စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှုအခြေအနေ တို့နှင့် စပ်လျဉ်း၍ သက်ဆိုင်ရာ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ ၂၀၂၅ ခုနှစ်၊ ဇွန်လ (၁) ရက်နေ့မှ (၁၅) ရက်နေ့ အတွင်းတွင် ပြည်ခရိုင်၊ ပြည်မြို့နယ်တွင် မြို့ပေါ်ရပ်ကွက်များရှိ ကုန်စုံဆိုင်များသို့ Sprite အချိုရည် အမျိုးမျိုးကိုလည်းကောင်း၊ ကျောင်းကြီးအိုးတန်းရပ်ကွက်ရှိ ကုန်စုံဆိုင်များသို့ ဘူးသွပ်စားသုံးဆီ အမျိုးမျိုးကိုလည်းကောင်း၊ ရွှေတောင်မြို့နယ် ယွန်းတန်းရပ်ကွက်နှင့် ကြာနီကန်ရပ်ကွက်ရှိ ကုန်စုံဆိုင်များသို့ Sprite အချိုရည်အမျိုးမျိုး၊ မြို့မဈေးနှင့် သရက်တောရပ်ကွက်ရှိ ကုန်စုံဆိုင်များသို့ ယိုစုံနှင့် အချိုရည်အမျိုးမျိုး ကိုလည်းကောင်း၊ ပန်းတောင်းမြို့နယ်တွင် မြို့ပေါ်ကုန်စုံဆိုင်နှင့် ဥသျှစ်ပင်ဈေးအပြင်ဘက်ရှိ ကုန်စုံဆိုင်များသို့ Sprite အချိုရည်အမျိုးမျိုး၊ ဥသျှစ်ပင်ဈေးရှိ ဘူးသွပ်စားသုံးဆီအရောင်းဆိုင်များ သို့လည်းကောင်း၊ ပေါက်ခေါင်းမြို့နယ်တွင် မြို့ပေါ်စတိုးဆိုင် များသို့ Sprite အချိုရည်အမျိုးမျိုး၊ အမှတ်(၄/၅)ရပ်ကွက်ရှိ ကုန်စုံဆိုင်များသို့ အချိုရည်အမျိုးမျိုးနှင့် ယိုစုံများကိုလည်းကောင်းသက်ဆိုင်ရာ မြို့နယ်တာဝန်ခံနှင့် ဝန်ထမ်းများသည် သွားရောက်၍ ဈေးကွက်ရောက်ပြီး ကုန်စည်များတွင် ကုန်အညွှန်း အမှတ်အသား ပါသတ်မှတ်ချက်များနှင့် ကိုက်ညီမှုရှိသော ကုန်စည်များကို တင်သွင်းရောင်းချခြင်း ရှိ/မရှိ၊ သက်ဆိုင်ရာဌာန၏ ထောက်ခံမှု ရှိ/မရှိ ဈေးကွက် စောင့်ကြည့်စစ်ဆေးခဲ့ပါကြောင်းနှင့် စောင့်ကြည့် စစ်ဆေးခဲ့သည့် ကုန်စည်များတွင် ကုန်အညွှန်း အမှတ်အသား ဖေါ်ပြချက်များနှင့် ကိုက်ညီမှုရှိပါကြောင်း သတင်းရရှိပါသည်။
DOCA(ပဲခူး)