မကွေးတိုင်းဒေသကြီး၊ အောင်လံမြို့ပေါ်ရပ်ကွက်၊ ( ၉ )ရပ်ကွက်အတွင်းရှိ ပြည်သူများအား သက်သာသော ဈေးနှုန်းဖြင့် စားသုံးဆီဝယ်ယူသုံးစွဲနိုင်ရန် ရည်ရွယ်၍ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းနှင့် အောင်လံခရိုင်ဆီလုပ်ငန်းရှင်များအသင်းတို့ပူးပေါင်း၍ လူတစ်ဦး လျှင် စားအုန်းဆီ(၁)ပိဿာ (၄၀၀ဝိ/-)နှုန်းဖြင့် ဇူလိုင်လ(၃၀)ရက်နှင့် (၃၁)ရက်နေ့များတွင် မော်တော်ယာဉ်(၂)စီးဖြင့် လှည့်လည်ရောင်းချခြင်း ဆောင်ရွက်ခဲ့ကြောင်းသိရှိရပါသည်။
ထိုသို့ စားအုန်းဆီများ ဈေးကားဖြင့် လှည့်လည်ရောင်းချခြင်းကို ဇူလိုင်လ(၃၀)ရက်နှင့် ဇူလိုင်လ(၃၁)ရက် (၂)ရက်တာဆောင်ရွက်ရာတွင် တစ်ရက်လျှင် ဆီပီပါ(၁၂)လုံး၊ ဆီ(၁၃၂၀)ပိဿာ (၂)ရက်အတွင်း ဆီ(၂၄)ပီပါ ဆီပိဿာ(၂၆၄၀)အား အောင်လံမြို့ပေါ်ရှိ ရက်ကွက်(၉)ရက်ကွက် အတွင်း အုပ်စုနှစ်စုခွဲ၍ မော်တော်ယာဉ်(၂)စီးဖြင့် စားသုံးသူများလက်ဝယ်အရောက် လှည့်လည် ရောင်းချခဲ့ပါကြောင်းနှင့် ရက်ထပ်မံတိုးမြှင့်၍ ရောင်းချနိုင်ရန်အတွက်လည်း စီစဉ်ဆောင်ရွက် လျှက်ရှိကြောင်း အောင်လံမြို့နယ် ဆီကုန်သည်အသင်း ဥက္ကဌထံမှ သိရှိရပါသည်။
DOCA(မကွေး)