ပြင်ဦးလွင်မြို့၊စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်းပြီး ၂၀၂၅ခုနှစ်၊ဇွန်လ(၂၀)ရက်နေ့တွင် လူထုအခြေပြု Community Center ခန်းမ၌ ဆန်စပါးမှတ်ပုံတင်ခြင်း Myro ဆိုင်ရာအသိပညာပေး Talk Show ဆွေးနွေးပွဲဆောင်ရွက်ခဲ့ပါသည်။ အဆိုပါ ဆွေးနွေးပွဲတွင် ပြင်ဦးလွင်ခရိုင်၊ပြန်ကြားရေးနှင့်ပြန်သူ့ဆက်ဆံရေးဦးစီးဌာန ၊ ဒေါ်ခင်နှင်းရီ (ဦးစီးအရာရှိ)က ဆန်စပါးမှတ်ပုံတင်ခြင်း Myro နှင့် ပတ်သက်၍ ဆွေးနွေးမေးမြန်းခဲ့ရာ စားသုံးသူ ရေးရာဦးစီးဌာန၊ ခရိုင်တာဝန်ခံ ဦးသက်လွင်ထူး (ဦးစီးအရာရှိ) က Myro နှင့် ပတ်သက်၍ မှတ်ပုံတင်ခြင်းစတင်ဆောင်ရွက်ခဲ့သည့်ခုနှစ် ၊ မှတ်ပုံတင်ရမည်ဆန်တန်ချိန် စပါးတင်း ၊ Online တွင်လျှောက်ထားရမည့် Website ၊ ရည်မှန်းချက်(၃)ရပ်၊ မှတ်ပုံတင်ခြင်းကြောင့် စျေးကွက်အတွင်း ဆန်စပါးစျေးနှုန်း၊ လက်ကျန်အခြေအနေကိုစဉ်းစားသုံးသပ်နိုင်ခြင်း၊ ပြည်တွင်ဆန်စျေးနှုန်းတည်ငြိမ် ရေး ၊ ပြည်ပဆန်တင်ပို့မှုစနစ်တကျ သက်မှတ်ဆောင်ရွက်နိုင်ရေးတို့ ရည်ရွယ်ချက်ရှိကြောင်း အသေးစိတ်အသိပညာပေးဆောင်ရွက်ခဲ့ကြောင်း သတင်းရရှိပါသည်။
DOCA(မန္တလေး)