ကျောက်တံခါးမြို့နယ်အတွင်းရှိ ကုန်စုံဆိုင်များတွင် Signal သွားတိုက်ဆေးပုံစံတူ (အတုအပ)များ ရောင်းချခြင်း ရှိ/ မရှိ ကွင်းဆင်းစစ်ဆေး

Powered by Drupal

    ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ကျောက်တံခါးမြို့နယ်တာဝန်ခံရုံးအနေဖြင့် ပဲခူးတိုင်းဒေသကြီးဦးစီးမှူးရုံး၏ လမ်းညွှန်မှု၊ ညောင်လေးပင်ခရိုင်ဦးစီးမှူးရုံး၏ ကြီးကြပ်မှုတို့ဖြင့် ကုန်ဈေးနှုန်းတည်ငြိမ်ရေးလုပ်ငန်းများ၊ စားသုံးသူကာကွယ်ရေးလုပ်ငန်းများကို ကြိုးစားပမ်းစား ဆောင်ရွက်လျက်ရှိရာ ၂၅.၆.၂၀၂၅ ရက်နေ့တွင် ကျောက်တံခါးမြို့နယ်တာဝန်ခံ ဒေါ်တင်တင် စန်းနှင့် ဒုဦးစီးမှူး ဒေါ်ဇင်မာထွေးတို့သည် ကျောက်တံခါးမြို့နယ်အတွင်းရှိ ကုန်စုံဆိုင်များတွင် Signal သွားတိုက်ဆေးအတုများ ရောင်းချနေခြင်း ရှိ/ မရှိကို ကွင်းဆင်းစစ်ဆေးခဲ့ကြောင်း သတင်းရရှိပါသည်။

     ကျောက်တံခါးမြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူး ဒေါ်ဇင်မာထွေးတို့သည် ကျောက်တံခါးမြို့နယ်အတွင်းရှိ ကုန်စုံဆိုင်များသို့ သွားရောက်စစ်ဆေးခဲ့ရာ မြို့နယ်တာဝန်ခံက လတ်တလောအနေဖြင့် ဈေးကွက်အတွင်းတွင် Signal သွားတိုက်ဆေးပုံစံတူ (အတုအပ)များ ရောင်းချနေသည်ဟု ကြားသိရကြောင်း၊ Signal သွားတိုက်ဆေးအတုများ ရောင်းချခြင်းမပြုရန်၊  အတုနှင့်အစစ် ခွဲခြားပုံနည်းလမ်းများကိုလည်း ပြသခဲ့ပြီး ကုန်အညွှန်းအမှတ်အသားပြည့်စုံသည့် သွားတိုက်ဆေးများကိုသာ ရောင်းချကြရန် အသိပညာပေး ဟောပြောခဲ့ကြောင်း သတင်းရရှိပါသည်။

DOCA(ပဲခူး)