“ကော့မှူးမြို့နယ်အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌လုပ်ငန်းညှိနှိုင်းအစည်းအဝေးကျင်းပခြင်း ”

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌ လုပ်ငန်းညှိနှိုင်း အစည်း အဝေးကို အထွေထွေအုပ်ချုပ်ရေးဦးစီးဌာန အစည်းအဝေးအခန်းမတွင် ဇူလိုင်လ(၁) ရက်နေ့၊ နေ့လယ်(၁၃:၀၀)နာရီအချိန်တွင် ကျင်းပပြုလုပ်ခဲ့ကြောင်း သိရသည်။ အဆိုပါ အစည်းအဝေးတွင် သဘာဝဘေးအန္တရာယ်စီမံခန့်ခွဲမှု ဆိုင်ရာကိစ္စရပ်များနှင့် ပတ်သတ်၍ ကြိုတင်စီမံဆောင်ရွက်ထားရှိရန်ကိစ္စများ၊ ပြည်သူ့စစ်မှုထမ်းဆင့်ခေါ်ခြင်းအား ဥပဒေ ညွှန်ကြားချက်များအတိုင်း ဆောင်ရွက်၍ အဂတိကင်းရှင်းစေရေးကိစ္စများ ရွေးကောက်ပွဲ ဆိုင်ရာ လူဦးရေစာရင်းတိကျမှန်ကန်စွာ ပြုစုသွားရန်နှင့် သက်ဆိုင်ရာဌာနများနှင့် ပေါင်းစပ် ဆောင်ရွက်ရန်ကိစ္စများ၊ လုံခြုံရေးဆိုင်ရာကိစ္စရပ်များနှင့် ထူးခြားဖြစ်စဉ်များရှိပါက အချိန်နှင့် တပြေးညီတင်ပြရန် ကိစ္စရပ်များအား ရှင်းလင်းဆွေးနွေးပြောကြားခဲ့ပြီး အစည်းအဝေးသို့ တွံတေးခရိုင်စီမံအုပ်ချုပ်ရေးအဖွဲ့ ဥက္ကဌနှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဝင်များ၊ ရပ်/ကျေးအုပ်ချုပ်ရေးမှူး စာရေးများ၊ မြို့နယ်အဆင့်ဌာနဆိုင်ရာများတက်ရောက်ခဲ့ကြောင်း သိရှိရသည်။ ၎င်းအစည်းအဝေးတွင် တွံတေးခရိုင်စီမံအုပ်ချုပ်ရေးအဖွဲ့ဥက္ကဌ ဦးညွှန့်နွယ်မှ စစ်မှုထမ်းဆင့်ခေါ်ခြင်းဆိုင်ရာ ကိစ္စရပ်များ၊ လူဦးရေးစာရင်းများအား အချိန်နှင့် တပြေးညီ ပုံမှန် ပြုစုသွားရန် ကိစ္စရပ်များ၊ လယ်ယာမြေအသုံးပြုမှုနှင့် စိုက်ပျိုးရေးဆိုင်ရာ ကိစ္စရပ်များ၊ သဘာဝ ဘေးကာကွယ်ရေးနှင့် မြို့(၃)မိုင်ပတ်လည် သစ်ပင်စိုက်ပျိုးခြင်း/လေကာပင်များ ပျိုးထောင်ခြင်း ကိစ္စရပ်များအား လမ်းညွှန်မှာကြားပြီး မြို့နယ်စိုက်ကြပ်အဖွဲ့ဝင်များမှာ သက်ဆိုင်ရာများအား ရှင်းလင်းဆွေးနွေးခဲ့ပြီး အစည်းအဝေးပြီးမြောက်ခဲ့ကြောင်း သိရှိရပါသည်။ DOCA(ရန်ကုန်)