တောင်ငူခရိုင် အုတ်တွင်းမြို့နယ်တွင် ယခုနှစ်မိုးစပါးကာလတွင် ၈၉၁၈၄ ဧက စိုက်ပျိုး ရန် လျာထားလျက်ရှိရာ ဇူလိုင်လကုန်တွင် လျာထားချက်အတိုင်း စိုက်ပျိုးပြီးစီးသွားပြီး ဖြစ်ပါသည်။
ဇူလိုင်လ ဒုတိယလဝက်ခန့်တွင် မိုးရွာသွန်းမှုအလွန်နည်းပါးခဲ့သော်လည်း အုတ်တွင်းမြို့နယ်အတွင်းတွင် နွေစပါးစိုက်ပျိုးနိုင်ရန်အတွက် ဆည်မြောင်းနှင့်ရေအသုံးချမှု စီမံခန့်ခွဲရေးဦးစီးဌာနမှ ခပေါင်းဆည်၊ ရေသိုးဆည်နှင့် မင်းရဲဆည်တို့ တည်ဆောက်ထားပြီး ၎င်း ဆည်များမှ ရေပေးဝေသည့် ရေလွှဲမြောင်းများ တည်ဆောက်ထားသဖြင့် ယခုကဲ့သို့ မိုးခေါင်သည့် ကာလတွင် မိုးစပါးအတွက် ရေပေးဝေနိုင်ခဲ့ပါသည်။
အုတ်တွင်းမြို့နယ်အတွင်း ဇူလိုင်လနှောင်းပိုင်း မိုးရွာသွန်းမှု အလွန်နည်းပါသော်လည်း ဆည်ရေများ၏ ကျေးဇူးကြောင့် မိုးစပါးကို လျာထားချက်အတိုင်း အပြည့်အဝစိုက်ပျိုးနိုင်ခဲ့ပြီး စပါး များအောင်မြင်ဖြစ်ထွန်းလျက်ရှိကြောင်း သိရှိရပါသည်။
DOCA(ပဲခူး)