ပြင်ဦးလွင်မြို့နယ်အတွင်း ဇွန် ၊ ဇူလိုင်လများမှာ ဒေသတွင်း တစ်နိုင်တစ်ပိုင်စိုက်ပျိုး သည့်သီးနှံများနှင့်အတူ ကိုက်လံ ၊ အသီးအရွက်လည်း စျေးကွက်အတွင်း နေရာယူပြီး ရောင်းအားကောင်းလျှက်ရှိပါသည်။ ဟိုတယ်၊စားသောက်ဆိုင်များအပြင် မိသားစုထမင်းဝိုင်း တွင်လည်းပါဝင်ကြတာမို့ စျေးကောင်းရရှိပြီး မိသားစုအပိုဝင်ငွေရရှိနေကြောင်းသိရှိရပါသည်။ ကိုက်လံအနေဖြင့် မြေနေရာကျဉ်းနေလျှင်တောင်မှ အပင်ရေများ ဝင်ဆံ့တာမျိုးဖြစ်သည့် အတွက်ပြင်ဦးလွင်မြို့နယ်ရှိ ကျေးရွာအတော်များများမှာစိုက်ပျိုးကြပြီး မိသားစုစားဖို့အပြင် အခြားအိမ်သုံးစရိတ်ရရှိသည့်တွက် တိုးချဲ့စိုက်ပျိုးသွားမည်ဖြစ်ကြောင်း ကြီးတိုင်ရွာမှ ကိုက်လံစိုက်တောင်သူ ဦးဖိုးအေးထံမှသိရှိရပြီး စျေးနှုန်းအနေဖြင့် လက်ဆုပ်စီး(၁)စီးလျှင် (၅၀၀/-)ကျပ် ၊ အစီးကြီး(၁)စီးလျှင်(၈၀၀/-)ကျပ်တို့ဖြင့် ရောင်းချနေပြီး တစ်ပတ်လျှင် လက်ဆုပ်စီး(၅၀-၇၀)စီး စျေးကွက်သို့တင်ပို့ရောင်းချနေကြောင်း သိရှိရပါသည်။
DOCA(မန္တလေး)