မန္တလေးတိုင်းဒေသကြီး၊ ပြင်ဦးလွင်ခရိုင်သည် အေးမြသောရာသီဥတုရှိပြီး မြေဆီ၊ မြေလွှာကောင်းမွန်သောကြောင့် နှစ်ရှည်သီးနှံများ၊ရာသီပေါ်သီးနှံများ၊ပန်းပေါင်းစုံစိုက်ပျိုးပြီး မိသားစုစာဝတ်နေရေး အဆင်ပြေရုံသာမက အပိုဝင်ငွေပါရရှိနေကြောင်း သိရှိရပါသည် ။ ပန်းပေါင်းစုံအနက်မှကုန်ကျစရိတ်သက်သာပြီးအကြမ်းခံသော သစ္စာပန်းကိုတောင်သူအများစု စိုက်ပျိုးကြပါသည်။သစ္စာပန်းပင်သည် အေးမြသောရာသီဥတုကိုကြိုက်ပြီး တောင်ပေါ်ဒေသ တွင်ပိုမိုဖြစ်ထွန်းသည်။သစ္စာပန်းပင်ကို တစ်တန်းနှင့်တစ်တန်း (၂”x၂”)ခြားပြီ စိုက်ပျိုးနိုင်ပါ သည်။ မျိုးဥကောင်းများကို ရွေးချယ်စိုက်ပျိုးမှသာ အပင်ကောင်း၊အပွင့်ကောင်းများရရှိနိုင် မည်ဖြစ်ပြီး (၁)ဧကလျှင် မျိုးဥ(၁၀၀၀၀)ခန့်စိုက်ပျိုးနိုင်ကြောင်း ၊သစ္စာပန်းပင်သည် မတ်လမှ စတင်ဖူးပွင့်ပြီး ဇူလိုင်လအထိ လှိုင်လှိုင်ပွင့်ကြသည် ။ သစ္စာပန်းပင်မှာ အရောင်မျိုးစုံရှိပြီး အုတ်ကျိုးရောင်၊ ပန်းရောင်တို့မှာ လူကြိုက်များပြီး စျေးကွက်အတွင်းဦးဆောင်ထားပါသည်။ ပန်းအလှဆင်ခြင်းနှင့်ဘုရားပန်းထိုးရာတွင် တာရှည်ခံပန်းဖြစ်ပါသည်။ ယခုအချိန် သစ္စာပန်း (၅)ပင်ပါ လက်ဆုပ်စီး(၁)စီးလျှင်(၃၅၀၀-၄၀၀၀)ကျပ် ရောင်းချရကြောင်း ၊ ပြင်ဦးလွင်ထွက် ပန်းမျိုးစုံကို ရန်ကုန်၊ မန္တလေး၊နေပြည်တော်သို့ နေ့စဉ်တင်ပို့လျှက်ရှိကြောင်း ကံကြီးကုန်း ရပ်ကွက်ရှိ ပန်းစိုက်ပျိုးသူ နှင့်ပန်းပွဲရုံများမှသိရှိရပါသည်။
DOCA(မန္တလေး)