ကျွန်းလှမြို့ ရပ်ကွက်ဈေးများတွင် သစ်သီးဝလံမျိုးစုံဖြစ်သည့် ပန်းသီး၊ စပျစ်သီး၊ ပန်းသစ်တော်သီး၊ ဖရဲသီး၊ နာနတ်သီး၊ ဒညှင်းသီး၊ ငှက်ပျောသီး နှင့်သခွားမွှေးသီးတို့ ရောင်းချလျက်ရှိရာမှ နာနတ်သီး နှင့် ဒညှင်းသီး ကိုလည်း မန္တလေးမြို့၊ အင်းတော်မြို့၊ ကသာမြို့နှင့်မဲဇာမြို့တို့မှ ဝယ်ယူရောင်းချလျက်ရှိ ကြောင်း နာနတ်သီးချင်းတူပေမဲ့ မဲဇာနာနတ်သီးသည် အရမ်းချိုသည့်အတွက် ဈေးပိုကောင်းပြီး ရောင်းပန်း လှကာ အရောင်းအဝယ်ဖြစ်လျက်ရှိကြောင်း နှင့် ဒညှင်းသီး သည်လည်း အဆိပ်သီးဆိုပေမဲ့ လူကြိုက် အရမ်းများပြီး ပုံစံမျိုးစုံဖြစ်သည့် ဒညှင်းသီးကို ပြုတ်ပြီး နှမ်းထောင်း ဆီ ဆားတို့ဖြင့်လည်းကောင်း၊ ဒညှင်းသီး ငပိချက်၊ ညှင်းသီးနှင့်ဝက်သားချက်၊ ဒညှင်းသီးဆားရည်စိမ်ပြီး ငပိရည်တို့စရာနှင့် ဒညှင်းသီးကို လဖက်ဖြင့် ရောသုပ်ခြင်း စသည့် ပုံစံများဖြင့် စားသုံးမှုများပြီး ရောင်းအားကောင်းလျက် ရှိကြောင်း သိရသည်။
၂၀၂၅ ခုနှစ်၊ ဇူလိုင်လ ပထမပတ်အတွင်း ဖြစ်ပေါ်နေသော နာနတ်သီး ဈေးနှုန်း အနေဖြင့် မဲဇာ နာနတ်သီး အကြီး တစ်လုံးလျှင်(၃၅၀၀/၄၀၀၀)ကျပ်၊ မဲဇာ နာနတ်သီး အသေး တစ်လုံးလျှင် (၂၅၀၀)ကျပ် နှင့် မန္တလေး နာနတ်သီး အကြီး တစ်လုံးလျှင်(၃၀၀၀)ကျပ်၊ မန္တလေး နာနတ်သီး အသေး တစ်လုံးလျှင် (၂၀၀၀)ကျပ် ဈေးနှုန်းအသီးသီးတို့ဖြင့် လည်းကောင်း ဒညှင်းသီး ဈေးနှုန်း အနေဖြင့် ဒညှင်းသီး အကြီး တစ်လုံးလျှင်(၂၅၀)ကျပ်၊ ဒညှင်းသီး အလတ် တစ်လုံးလျှင်(၂၀၀)ကျပ် နှင့် ဒညှင်းသီး အသေး တစ်လုံး လျှင်(၁၅၀)ကျပ် ဈေးနှုန်းအသီးသီးတို့ဖြင့် ရောင်းချလျက်ရှိကြောင်း ဒညှင်းသီးဈေး အနည်းငယ် ကျဆင်းလျက်ရှိကြောင်း ကျွန်းလှမြို့တွင် သစ်သီးဝလံမျိုးစုံ ရောင်းချသည့် ဈေးသည်ထံမှ သတင်းရရှိ ပါသည်။
DOCA(စစ်ကိုင်း)