ကျောက်ဆည်ခရိုင်၊ စားသုံးသူရေးရာဦးစီးဌာန နှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ ဇူလိုင်လ(၁၁)ရက်နေ့တွင် မြစ်သားမြို့နယ်၊ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန၊ ပြည်သူ့စာကြည့်တိုက်၌ စားသုံးသူကာကွယ်ရေးအသိပညာပေး Talk Show ဆွေးနွေးပွဲ ကို ကျင်းပခဲ့ပါသည် ။ အဆိုပါဆွေးနွေးပွဲတွင် ပြန်ကြားရေး နှင့်ပြည်သူ့ဆက်ဆံရေးဦးစီးဌာနမှ ဒေါ်သီတာအောင် (ဦးစီးအရာရှိ)က အသိပညာပေး Talk Show ဆွေးနွေးပွဲကျင်းပရခြင်း၏ ရည်ရွယ်ချက်များအားပြောကြားခဲ့ပြီး၊ကျောက်ဆည်ခရိုင်စားသုံးသူရေးရာဦးစီးဌာန၊မြစ်သားမြို့နယ် တာဝန်ခံ ဒေါ်မော်မော်အောင်(ဒု-ဦးစီးမှူး)က စားသုံးသူကာကွယ်ရေးဥပဒေ၌ စားသုံးသူအခွင့် အရေး (၈)ချက်ရှိပါကြောင်း၊ ၄င်းအချက်များအနက် စားသောက်ဆိုင်များအနေဖြင့် စားသုံးသူများ အား သတင်းအချက်အလက်များပြည့်စုံမှန်စွာသိရှိခွင့်နှင့်စားသုံးပြီးပါက ပြေစာ(သို့) အထောက် အထား များအားရမှာဖြစ်ကြောင်း၊ အစားအသောက်ကိုင်တွယ်ရောင်းချသူများ သတိပြုလိုက်နာရန် အချက် များမှသန့်ရှင်းလတ်ဆက်သော အစားအစာများကို ရောင်းချစေရေး ၊ အစားအသောက် ကိုင်တွယ် ပြင်ဆင်သူသည် မိမိ၏တစ်ကိုယ်ရည် သန့်ရှင်းရေးကို ဂရုပြုဆောင်ရွက်ရန်နှင့် ရက်လွန် အစား အသောက်များအား ရောင်းချခြင်းမပြုလုပ်ရန်၊ အစားအသောက်များကိုင်တွယ်ရာတွင် တစ်ခါသုံး လက်အိတ်ကိုအသုံးပြုရန်နှင့် ၊ အစားအသောက်ကိုင်တွယ်ရောင်းချသူများအနေဖြင့် ကျန်းမာရေး ဆေးစစ်ချက်များခံယူရန် လိုအပ်ကြောင်း ဆွေးနွေးပြောကြားခဲ့ကြောင်း သတင်းရရှိ ပါသည်။
DOCA(မန္တလေး)