စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီသည် စားသုံးဆီများ သတ်မှတ်အရည်အသွေး စံချိန်စံညွှန်းများနှင့် ပြည့်မီစေရေး၊ စားသုံးသူပြည်သူများ ကျန်းမာရေးနှင့် ညီညွတ်သော စားသုံးဆီများဝယ်ယူ သုံးစွဲနိုင်ရေး၊ စျေးနှုန်းတည်ငြိမ်စွာဖြင့် ဝယ်ယူသုံးစွဲနိုင်ရေးတို့ အတွက် ကြီးကြပ်ထိန်းကျောင်းဆောင်ရွက်လျက်ရှိပါသည်။ထိုသို့ ဆောင်ရွက်လျှက်ရှိရာ ဒေသအလိုက် စျေးကားဖြင့် လှည့်လည်ရောင်းချမည့်အစီအစဉ်ကိုလည်းထည့်သွင်းဆောင်ရွက်လျက်ရှိရာ မိတ္ထီလာမြို့ နယ်အတွင်း(၂၉-၇-၂၀၂၂)ရက်နေ့မှစ၍ တစ်ရက်ခြားစီ (၈-၈-၂၀၂၂)ထိ ယာဉ်(၄)စီးဖြင့် စျေးအရှေ့ပြင် ဘူတာလမ်း၌လည်းကောင်း၊ ရတနာမာန်အောင် ဘုရားအနီး၌လည်းကောင်း၊ ကြည်တော်ကုန်းကွေ့၌ လည်းကောင်း၊ အောင်စံပယ််ကုန်း GTC ကျောင်းအနီး၌လည်းကောင်း တစ်ပိဿာလျှင် (၄၂၀၀) နှုန်းဖြင့် ပီပါ (၁၄၄) ပီပါ ရောင်းချရာ မိတ္ထီလာခရိုင်၊ စားသုံးသူရေးရာဦးစီး ဌာနမှ ကွင်းဆင်းကြပ်မတ် ဆောင်ရွက်ခဲ့ကြောင်း သိရှိရပါသည်။
DOCA(မန္တလေး)