ကျောက်ဆည်ခရိုင်တွင် လယ်ယာစိုက်ပျိုးရေးနှင့် သီးနှံထွက်ကုန်များ အဓိထားစိုက်ပျိုး ထုတ်လုပ်လျက်ရှိရာ နနွင်းသီးနှံလည်းတစ်ခုအပါအဝင်ဖြစ်ပါသည်။ နနွင်းသီးနှံကို မြစ်သား မြို့နယ်တွင် (၉၈၅)ဧကစိုက်ပျိုးထားရှိကြောင်း သက်ဆိုင်ရာဌာနများ၏စာရင်းများအရ သိရှိရပါသည်။ ပုံမှန်အားဖြင့်နနွင်း သီးနှံစိုက်ပျိုးချိန်သည် မေလနှင့်ဇွန်လများတွင် စတင် စိုက်ပျိုးလျက်ရှိရာတောင်သူများသည် သီးထပ်သီးညှပ်စိုက်ပျိုးရန်အတွက် ဖေဖော်ဝါရီလနှင့် မတ်လများတွင်အစောစိုက်ပျိုး၍ နှမ်းနှင့်ပဲတီစိမ်းသီးနှံကိုလည်း သီးထပ်သီးညှပ်အဖြစ် စိုက်ပျိုးကြပါသည်။ နနွင်းတစ်ဧကကုန် ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း(၂၆)သိန်းဝန်းကျင် ကုန်ကျ ကြောင်း၊ အများဆုံးစိုက်ပျိုးသောရွာများမှာ ရွာမုန်းကြီး၊ မယှက်၊ ကျွဲဆွဲ၊ တောင်ရိုးကျေးရွာများတွင် အများဆုံးစိုက်ပျိုးကြပါသည်။ ယခုအချိန်တွင် နနွင်းခင်းများ အောင်မြင်ဖြစ်ထွန်းလျက်ရှိပါသည်။ ယခုအချိန်နနွင်းစျေးနှုန်း အနေဖြင့် နနွင်းတက်တစ်ပိဿာလျင် (၁၁၅၀၀/-)ကျပ်ဖြင့် အရောင်းအဝယ်ဖြစ်လျက်ရှိ ကြောင်း ပွဲရုံပိုင်ရှင်များထံမှ သိရှိရပါသည်။
DOCA(မန္တလေး)