ပြည်ခရိုင်၊ ရွှေတောင်မြို့နယ်၊ ကြို့ကုန်းကျေးရွာရှိ အခြေခံပညာမူလတန်းကျောင်းသို့ (၁၈.၇.၂၀၂၅)ရက်နေ့ နံနက်ပိုင်းတွင် သွားရောက်၍ စားသုံးသူ အသိပညာပေး ဟောပြောပွဲ ကျင်းပဆောင်ရွက်ခဲ့ပါသည်။
အဆိုပါဟောပြောပွဲသို့ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းများ အဖွဲ့သည် အခြားမိတ်ဖတ်ဌာနဆိုင်ရာများဖြစ်သော မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာတို့နှင့် ပူးပေါင်း၍ စားသုံးသူအသိပညာပေးဟောပြောပွဲဆောင်ရွက်ခဲ့ရာ ဆရာ/ဆရာမနှင့် ကျောင်းသား/ကျောင်းသူ စုစုပေါင်း(၅၂)ဦးတက်ရောက်ခဲ့ပါသည်။ စားသုံးသူအသိပညာပေး ဟောပြောပွဲတွင် ရွှေတောင်မြို့နယ်၊ စားသုံးသူရေးရာဦးစီးဌာနမှ ဒုတိယဦးစီးမှူး ဒေါ်ယဉ်ယဉ်ဆင့်မှ စားသုံးသူကာကွယ်ရေးဉပဒေပါ စားသုံးသူများ ရသင့်ရထိုက်သော အခွင့်အရေးများအကြောင်း၊ စီးပွားရေးလုပ်ငန်းရှင်များ၏တာဝန်များအကြောင်း၊ Online ဈေးဝယ်ယူရာတွင် သိထားသင့် သည့် အကြောင်းအရာများ၊ ကုန်စည်(သို့မဟုတ်) ဝန်ဆောင်မှုနှင့်ပတ်သက်၍ ဝယ်ယူသုံးစွဲရာတွင် နစ်နာဆုံးရှုံးမှုများဖြစ်ပေါ်လာပါက စားသုံးသူရေးရာဦးစီးဌာနမှ စားသုံးသူသတင်း ပြန်ကြားရေး နှင့်တိုင်ကြားမှုလက်ခံဆောင်ရွက်ရေးစင်တာ များတွင်တိုင်ကြားနိုင်ကြောင်းနှင့် အခြားတိုင်ကြား နိုင် သည့် နည်းလမ်းများဖြစ်သော (၁၅၃၅) call Center သို့လည်း တိုင်ကြားနိုင်ကြောင်း အသိပညာပေး ရှင်းလင်းဟောပြောဆွေးနွေးခဲ့ပါသည်။
DOCA(ပဲခူး)