အုတ်တွင်းမြို့နယ်အတွင်း စစ်တောင်းမြစ်နှင့် ခပေါင်းချောင်းအနီးတစ်ဝိုက်ရှိ ကျေးလက်နေ ပြည်သူအများစုသည် စိုက်ပျိုးရေးလုပ်ငန်းကို အဓိကထားလုပ်ကိုင်ကြသည်။ ရာသီအလိုက်သီးနှံများ စိုက်ပျိုးလျက်ရှိရာ ယခုအခါ ပဲတောင့်ရှည်ကို မိသားစုစားသုံးရန် အတွက်သာမက စီးပွားဖြစ်လည်း စိုက်ပျိုးကြသည်။
ပဲတောင့်ရှည်ကို ဆောင်းရာသီနှင့်မိုးရာသီတွင် အများဆုံးစိုက်ပျိုးကြသည်။ အဆိုပါသီး နှံသည် အာဟာရပြည့်ဝပြီး စိုက်ပျိုးရလွယ်ကူသော သီးနှံတစ်မျိုးဖြစ်သည့်အတွက် မြန်မာနိုင်ငံ၏ ကျေးလက်ဒေသများတွင် အရေးပါသော စိုက်ပျိုးသီးနှံတစ်ခုအဖြစ် ရပ်တည်နေ ပါသည်။ပဲတောင့်ရှည်တွင် အပင်ပု မျိုးနှင့် အပင်ရှည်မျိုးဟူ၍ နှစ်မျိုးရှိပြီး အပင်ရှည်မျိုးကို တိုင်ထောင်၍ စိုက်ပျိုးရသည်။ ပဲတောင့်ရှည် ပင်ကို မေလကုန်မှ စိုက်ပျိုးထားပြီး ၄၅ ရက်အကြာတွင် ခူးဆွတ် ရောင်းချနိုင်ပြီဖြစ်သည်။
ပဲတောင့်ရှည်ဈေးကွက်အနေဖြင့် အတောင့်သေး ၇၅ တောင့်ပါ တစ်စီးလျှင် ၁၅၀၀ ကျပ် မှ အတောင့်ရှည် ၇၅တောင့်ပါ တစ်စီးလျှင် ၂၀၀၀ ကျပ်အထိ ရောင်းချပြီး၊ ချက်ပြုတ်ရာတွင် လွယ်ကူပြီး ဈေးနှုန်းလည်း သင့်တင့်သဖြင့် ရောင်းအားကောင်းကြောင်း အုတ်တွင်းမြို့နယ် ပဲတောင့်ရှည် စိုက်ပျိုး သည့် အခင်းပိုင်ရှင်ထံမှ သိရှိရသည်။