ပဲခူးတိုင်းဒေသကြီး၊ သာယာဝတီခရိုင် လက်ပံတန်းမြို့ဈေးအတွင်း ရောင်းချလျှက်ရှိသော ကြက်သွန်နီ လက်လီဈေးနှုန်းများမှာ ဇွန်လတတိယပတ်မှ ဇွန်လနောက်ဆုံးပတ်ထိ ကြက်သွန်နီ အကြီးတစ်ပိဿာလျှင် ၂၀၀၀/ ကျပ်၊ အသေး တစ်ပိဿာလျှင် ၁၅၀၀/ကျပ် ဈေးနှုန်းဖြင့် လက်လီ ရောင်းချခဲ့ပါသည်။ လက်ကားဈေးနှုန်းအနေဖြင့် အချိန် (၁၀)ပိဿာ မှ စတင်၍အိတ်လုံးဈေး ကြက်သွန်နီအကြီး တစ်ပိဿာလျှင်၁၈၀၀/ကျပ်၊ ကြက်သွန်နီအလတ် တစ်ပိဿာ လက်ကား ဈေးနှုန်းမှာ ၁၆၀၀/ ကြက်သွန်နီအသေး လက်ကားဈေးနှုန်း တစ်ပိဿာလျှင်၁၃၀၀/ ကျပ် ဈေးနှုန်းဖြင့် ဈေးငြိမ်နေပြီး ဇူလိုင်လဆန်းတွင် ကြက်သွန်နီ ဈေးနှုန်းများကျဆင်းသွားပြီး ကြက်သွန်နီ (အကြီး) ၁၆၀၀ /ကျပ်ဈေးသို့ ကျဆင်းသွားခဲ့ပြီး ဇူလိုင်လတတိယပတ်တွင် ကြက်သွန်နီ ဈေးနှုန်းများ ၁၈၀၀/၂၀၀၀ ကျပ်ဈေးနှုန်းသို့ မြင့်တက်သွားကြောင်း ဈေးကွက်အတွင်းမှ သိရှိရပါသည်။
အာလူးဈေးကွက် ရောင်းချမှုအနေဖြင့် အာလူးတစ်ပိသာလျှင် ဇွန်လတတိယပတ်တွင် ၅၀၀၀/ ကျပ် ကျပ်ဈေးရှိခဲ့သော်လည်းယခု ဇူလိုင်လ တတိယပတ်တွင်လည်း အာလူး ဈေးနှုန်းများမှာ ၅၀၀၀/ ကျပ်ဈေးဖြင့် ရောင်းချသဖြင့် ဈေးငြိမ်နေကြောင်းသိရှိရပါသည်။
DOCA(ပဲခူး)