ကျိုက်မရောမြို့နယ်၊ ကလိုင်းကနိုင် အပေါ်ရွာ၌ ဘိုစားပဲ တစ်နိုင်တစ်ပိုင် စိုက်ပျိုးသူများ စျေးကောင်းရရှိ၍ မိသားစု ဝင်ငွေ တိုးလျက်ရှိကြောင်း သိရသည်။ ဘိုစားပဲကို အချိန်ရာသီမရွေး စိုက်ပျိုးနိုင်ပြီး မိုးရာသီ၌ စိုက်ပျိုးပါက အထွက်နှုန်းပိုကောင်းပြီး အတောင့်လည်း ပိုမိုကြီးထွား ကြောင်း သိရသည်။
ဘိုစားပဲကို စိုက်ပျိုးရာ၌ မျိုးစေ့ကို အစေ့လိုက်ချကာ ဘောင်တင်ပြီး စိုက်ပျိုးရကြောင်း မျိုးစေ့ကို ပျိုးစရာမလိုပဲ အစေ့တိုင်း အတန်းလိုက်ချ၍ စိုက်ပျိူးပြီး အညွှန့်လေးများထွက် လာလျှင် တိုင်ထောင်ပေးရပြီး မြေသြဇာအဖြစ် နွားချေးကိုအသုံးပြုရပြီး စိုက်ပျိူးပြီး ၄၅ ရက် ကြာလျှင် သန်မာကြီးထွားပြီး လတ်ဆတ်သည့် ဘိုစားပဲတောင့်များကို အတန်းလိုက်ဆွတ်ခူးနိုင် ပြီး စျေးများ၌ရောင်းချရကြောင်း ဘိုးစားပဲတစ်ပိဿာလျှင် (၃၀၀၀) ကျပ်ခန့် ဖောက်သည် ပေးရပြီး တစ်ရက်ခြား၊ နှစ်ရက်ခြား တစ်ခါလောက် ခူးရပြီး တစ်ကြိမ်ခူးလျှင် အချိန် ၂၀ ခန့် ရရှိ ၍ တစ်ရက်ခြားဝင်ငွေ (၆၀၀၀၀) ခန့် ရရှိသဖြင့် စိုက်ပျိုးသူတောင်သူများ မိသားစု ဝင်ငွေတိုး ကာ အဆင်ပြေလျက်ရှိကြောင်း ဘိုစားပဲ တစ်နိုင်တစ်ပိုင် စိုက်ပျိုးသူ ဒေါ်ခင်မာချိုထံမှ သိရသည်။
DOCA (မွန်)