(၁၄.၇.၂၀၂၅)ရက်နေ့၊ နေ့လည်(၁၄:၀၀)အချိန်တွင် ရှမ်းပြည်နယ်(တောင်ပိုင်း)၊ ဓနုကိုယ်ပိုင် အုပ်ချုပ်ခွင့်ရဒေသ၊ စားသုံးသူရေးရာဦးစီးဌာန၊ ပင်းတယမြို့၊ ဒေသဦးစီးမှူးရုံးမှ စစ်ဆေးရေးမှူး နှင့်ဝန်ထမ်းများသည် ပင်းတယမြို့နယ်အတွင်းရှိ ဒေါ်ဆန်သီးနှင့် ဦးသက်မိုးဦး စားအုန်းဆီ လက်လီ အရောင်းဆိုင်သို့ ကွင်းဆင်း စစ်ဆေးခြင်းများ ဆောင်ရွက်ခဲ့ကြပါသည်။
ထိုသို့ ဆောင်ရွက်ခဲ့ရာတွင် အော်ယောရပ်ကွက် နှင့် ဘောလုံးကွင်းတိုက်တန်း၊ အော်ယောရပ်ကွက် တို့တွင် အိမ်ထောင်စုတစ်စုလျှင် (၁)ပိဿာနှုန်းဖြင့် ရောင်းချပေးလျက် ရှိကြောင်း၊ မိမိရရှိသော ခွဲတမ်းများကို သတ်မှတ် ဈေးနှုန်းအပေါ် (၂%)အမြတ်တင်၍ ရပ်ကွက်နေ စားသုံးသူပြည်သူများလက်ဝယ်သို့ အမှန်တကယ် ရောက်ရှိ စားသုံးနိုင်ရန် ရောင်းချပေးလျက် ရှိကြောင်း၊ အလေးချိန်လည်း မှန်ကန်စွာ ချိန်တွယ်ပေးကြောင်း၊ ဆီထုတ်ယူသည့် စာအုပ်မရှိသည့် စစ်ဘေးရှောင် ပြည်သူများကိုလည်း ရောင်းချပေးနေကြောင်း ကွင်းဆင်း စစ်ဆေးချက်အရ သိရှိရပါ သည်။
DOCA(ရှမ်း)