ပဲခူးတိုင်းဒေသကြီး၊ ပြည်ခရိုင် ၊ ပန်းတောင်းမြို့နယ်ရှိ သရက်လိန်ကျေးရွာအုပ်စု၊ သူရဲဇီး ကျေးရွာတွင် ယခုအချိန်၌ နွေနှမ်းများစတင်ရိတ်သိမ်းနေပြီဖြစ်သဖြင့် နွေနှမ်းဈေးနှုန်း ဈေးကွက် အခြေအနေမျာအား သိရှိနိုင်ပါရန် ကွင်းဆင်းလေ့လာခဲ့ပါသည်။
ပြည်ခရိုင်၊ ပန်းတောင်းမြို့နယ်၊ သရက်လိန်ကျေးရွာအုပ်စု၊ သရဲဇီးကျေးရွာသို့ (၁၀.၈.၂၀၂၂) နေ့ ၊ နေ့လယ် (၁:၃၀) အချိန်တွင် စားသုံးသူရေးရာဦးစီးဌာန ၊ ပန်းတောင်းမြို့နယ်တာဝန်ခံနှင့် ဝန်ထမ်းများသည် နွေနှမ်းစိုက်ပျိုးသူတောင်သူ ဦးဌေးအောင်နှင့် တွေ့ဆုံပြီး ၎င်းတွင် နွေနှမ်း စိုက်ဧက (၁၀)ဧကရှိပြီး စိုက်ပျိုးထားသည့်မျိုးမှာ နှမ်းနက်မျိုးဖြစ်ပါသည်။ စိုက်ပျိုးဧက (၁၀)ဧက တွင် ခန့်မှန်းအထွက်တင်းအနေဖြင့် (၄၅)တင်းခန့် ထွက်ရှိသည်ဟု သိရပါသည်။ တစ်ဧကလျှင် နွေနှမ်းအထွက်နှုန်းအနေဖြင့် (၄/၅)တင်းခန့်ထွက်ရှိပါသည်။ ပန်းတောင်းမြို့နယ်တွင် နွေနှမ်းလက်ရှိ ပေါက်ဈေးအနေဖြင့် (၁၅)ပိဿာတစ်တင်းလျှင် (၆၅၀၀၀)ကျပ်ဈေးရှိပြီး ဈေးကွက်အနေဖြင့် ပြည်မြို့ရှိ ပဲနှမ်းပွဲရုံများသို့ တင်ပို့ရောင်းချကြကြောင်း သိရှိရပါသည်။
နွေနှမ်းစိုက်ပျိုးသူတောင်သူများအနေဖြင့် နွေနှမ်းမှာ အထွက်နှုန်းအနေဖြင့် နည်းသော်လည်း ဈေးနှုန်းမှာ အမြင့်ရရှိသဖြင့် တောင်သူအကျိုးအမြတ်များသည်ဟု သိရှိရပါသည်။
DOCA(ပဲခူး)