ပြည်မန်ကျည်းမှည့် (ပွဲရုံ)များတွင် ဒေသထွက် မန်ကျည်းမှည့်များဝင်ရောက်မှုမရှိတော့ဘဲ လှောင်မန်ကျည်းမှည့်များကိုသာ အရောင်းအဝယ်ပြုလုပ်နေကြောင်း သိရပါသည်။ လက်ကျန် မန်ကျည်းမှည့်ကို ဒေသတွင်းလက်လီအရောင်းသမားများသာ အဝယ်ရှိနေပါသည်။ ယခုအပတ် မန်ကျည်းမှည့် (ပွဲရုံ) တစ်ပိဿာဈေး ၃၈၀၀ကျပ်နှင့် လက်လီဈေး ၄၅၀၀ကျပ်တို့ဖြင့် ရောင်းဝယ်လျှက် ရှိနေပါသည်။ မန်ကျည်းသီးစိမ်း တစ်ပိဿာလျှင် (လက်ကား)ဈေး ၃၂၀၀ကျပ်နှင့် လက်လီဈေး ၃၅၀၀ကျပ်တို့ဖြင့် ရောင်းချလျှက်ရှိကြောင်းလည်း တွေ့ရှိရပါသည်။
ပြည်ဈေးကွက်တွင် ဩဂုတ်လ ဒုတိယပတ်တွင် ချင်းပွဲရုံများသို့ ချင်းဝင်ရောက်မှု ပုံမှန်ရှိနေသော်လည်း ချင်းအိတ်အဝင်နည်းလာသည်ဟု လို့သိရပါသည်။ ယခင်အပတ်တွင် အဝင်လှိုင်နေပြီး၊ ယခုအပတ်အဝင်နည်းလာသောကြောင့် ချင်းဈေးလည်း တစ်ပိဿာပေါ်တွင် ၂၀၀/၃၀၀ကျပ် ထိုးတက် လာသည်ကို တွေ့ရပါသည်။ ယခုအပတ် ချင်းပွဲရုံဈေး ၁၂၀၀-၁၃၀၀ကျပ်နှင့် လက်လီ ဈေးမှာ ၂၀၀၀-၂၂၀၀ကျပ်ဈေးတို့ဖြင့် ရောင်းချနေသည်ကို တွေ့ရပါသည်။ ဒါးလှီးချင်း(ဖတ်) တစ်ပိဿာလျှင် ၂၃၀၀-၂၅၀၀ကျပ်ဈေးဖြင့် ရောင်းချလျှက်ရှိနေပါကြောင်း သိရှိရပါသည်။
DOCA(ပဲခူး)