“စက်သုံးဆီအရောင်းဆိုင်လုပ်ငန်းရှင်များနှင့် တွေ့ဆုံဆွေးနွေးပွဲကျင်းပ”

        မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ်စီမံအုပ်ချုပ်ရေးအဖွဲ့၏ဦးဆောင်မှုဖြင့်(၁၁-၈-၂၀၂၂)ရက်နေ့၊နံနက်(၁၀:၀၀)နာရီအချိန်တွင် ပြင်ဦးလွင်ခရိုင်စီမံအုပ်ချုပ်ရေးအဖွဲ့၊ ခရိုင် စားသုံးသူရေးရာဦးစီးဌာန ၊ မြို့နယ်စီမံအုပ်ချုပ်ရေးအဖွဲ့နှင့်မြို့နယ် မီးသတ်ဦးစီးဌာနတို့ ပူးပေါင်းပြီး မြို့နယ်အတွင်းရှိစက်သုံးဆီအရောင်းဆိုင် လုပ်ငန်းရှင်များနှင့်တွေ့ဆုံဆွေးနွေးပွဲ ကျင်းပခဲ့ပါသည်။ တွေ့ဆုံဆွေးနွေးပွဲတွင် ပြင်ဦးလွင်ခရိုင်စီမံအုပ်ချုပ်ရေးအဖွဲ့ဝင် ဒုတိယဗိုလ်မှူးကြီး မျိုးထက်ဝင်းမှ အဖွင့်အမှာစကားပြောကြားရာတွင် စက်သုံးဆီအရောင်းဆိုင် စီးပွားရေး လုပ်ငန်းရှင်များအနေဖြင့် တရားမဝင်အရည်အသွေးနိမ့်၊ စံချိန်စံညွှန်းမပြည့်မီသောချက်ဆီများ ဝယ်ယူရောင်းချခြင်း ၊စက်သုံးဆီ စျေးနှုန်းများအား သတ်မှတ်ရည်ညွှန်းစျေးနှုန်းများထက် ပိုမိုကျော်လွန်၍ ရောင်းချခြင်းများမပြုလုပ်ကြရန် ၊ အချင်အတွယ်မှန်ကန်မှုရှိစေရေး ၊ အရည်အသွေးကောင်းမွန်သော စက်သုံးဆီများကိုသာ ဝယ်ယူရောင်းချကြရန်နှင့် စက်သုံးဆီများ ပြတ်လပ်မှုမရှိစေရေး အလေးထားဆောင်ရွက်သွားကြရန် စက်သုံးဆီများရောက်ရှိမှု ၊ ရောင်းချမှု အခြေအနေ နှင့် တွေ့ကြုံရသည့် ခက်အခဲများရှိပါက တင်ပြပေးစေလိုကြောင်း ဆွေးနွေးပြောကြား သွားပါသည်။ပြင်ဦးလွင်ခရိုင်စားသုံးသူရေးရာဦးစီးဌာန ခရိုင်ဦးစီးမှူး ဦးသက်လွင်ထူးမှ ပြောကြားရာတွင် စက်သုံးဆီစျေးနှုန်းများအား မိမိတို့ဌာနမှ နေ့စဉ်ကောက်ယူပြီး တိုင်းဒေသကြီးဦးစီးမှူးရုံးသို့ နေ့စဉ်တင်ပြပေးရပါကြောင်း ၊ လုပ်ငန်းရှင်များအနေဖြင့်စက်သုံးဆီစျေးနှုန်းများအား မှန်ကန်တိကျစွာ ပေးစေလိုပါကြောင်း၊စားသုံးသူကာကွယ်ရေး နှင့်ပတ်သက်၍ လက်ရှိစားသုံးသူကာကွယ်ရေးဥပဒေကို ၂၀၁၉ခုနှစ် ၊ မတ်လ(၁၅)ရက်နေ့ ၊ ပြည်ထောင်စုလွှတ်တော်အမှတ်(၉)ဖြင့် ပြဌာန်းထားပြီးဖြစ်ကြောင်း၊ ဥပဒေပါ ဦးစီးဌာန၏ လုပ်ပိုင်ခွင့်နှင့်လုပ်ငန်းတာဝန်များ၊ စီးပွားရေးလုပ်ငန်းရှင် တာဝန်များစသည့် စားသုံးသူကာကွယ်ရေး ဥပဒေနှင့်ပတ်သက်သည့်အချက်အလက်များအား အသေးစိတ်ရှင်းလင်း ဆွေးနွေးပြောကြားခဲ့ပါသည်။ တက်ရောက်လာသည့် စက်သုံးဆီ လုပ်ငန်းရှင်များမှ မိမိတို့သိရှိလိုသည်များအား မေးမြန်းတင်ပြခဲ့ရာ သက်ဆိုင်ရာဌာနများမှ ပြန်လည်ရှင်းလင်း ဆွေးနွေးခဲ့ပြီး ဆွေးနွေးပွဲအား နံနက်(၁၁:၃၀) နာရီတွင်ရုတ်သိမ်းခဲ့ပါသည်။ စက်သုံးဆီလုပ်ငန်းရှင်များနှင့် တွေ့ဆုံဆွေးနွေးပွဲတွင် လုပ်ငန်းရှင်(၃၃) ဦးတက်ရောက်ခဲ့ကြောင်း သတင်းရရှိပါသည်။

DOCA(မန္တလေး)