စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်/ချောက်ခရိုင်အတွင်းရှိ မြို့နယ်တာဝန်ခံများသည် (၈.၈.၂၀၂၂)ရက်နေ့ နံနက်(၀၉:၀၀)အချိန်တွင် စျေးကွက်အတွင်း စားသုံးဆီအရောင်းဆိုင်များ၌ တရားမဝင်စားသုံးဆီ ပုဇွန်နှစ်ကောင် အမှတ်တံဆိပ်များ ရောင်းချမှု ရှိ/မရှိကို ကွင်းဆင်းစစ်ဆေးခဲ့ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်း ကြီးကြပ်ရေးကော်မတီကို ဖွဲ့စည်းပြီး ပြည်ပမှတင်သွင်းလာသည့် စားသုံးဆီများ သတ်မှတ်အရည်အသွေး စံချိန်စံညွှန်းများနှင့် ပြည့်မီစေရေး၊ စားသုံးသူပြည်သူများ ကျန်းမာရေးနှင့် ညီညွှတ်သော စားသုံးဆီများကို သုံးစွဲနိုင်ရေး၊ စျေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး စားအုန်းဆီ ကမ္ဘာ့စျေးနှုန်းဖြစ်ပေါ်ပြောင်းလဲမှုနှင့် အညီ ပြည်တွင်း၌ ဖြစ်သင့်ဖြစ်ထိုက်သည့် စျေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျှက်ရှိပါကြောင်း ယခုအခါ အိမ်နီးချင်းနိုင်ငံမှ တစ်ဆင့် တရားမဝင်တင်သွင်းလာသော ပုဇွန်နှစ်ကောင်အမှတ်တံဆိပ် စားသုံးဆီများ ဆိုင်တင်ရောင်းချမှုရှိ/မရှိကို မကွေးမြို့နယ်မှ(၁၆)ဆိုင်၊ ရေနံချောင်း မြို့နယ်မှ(၃)ဆိုင်၊ နတ်မောက်မြို့နယ်မှ(၃)ဆိုင်၊ ချောက်မြို့နယ်မှ(၅)ဆိုင်၊ မြို့သစ်မြို့နယ်မှ (၅)ဆိုင်နှင့် တောင်တွင်းကြီးမြို့နယ်မှ(၆)ဆိုင် စုစုပေါင်းစားသုံးဆီ အရောင်းဆိုင်(၃၈)ဆိုင်အား စစ်ဆေးခဲ့ရာ ဆိုင်တင် ရောင်းချမှုမရှိကြောင်း စစ်ဆေးတွေ့ရှိရပါသည်။
ထိုသို့စစ်ဆေးရာတွင် မြို့နယ်တာဝန်ခံများမှ စားသုံးဆီအရောင်းဆိုင်ရှင်များအား တရားမဝင် တင်သွင်းလာသော ပုဇွန်နှစ်ကောင်အမှတ်တံဆိပ် စားသုံးဆီများအားဆိုင်တင်မရောင်းချရန်နှင့်ရောင်းချပါက ဥပဒေနှင့်အညီ အရေးယူခံရမည်ဖြစ်ကြောင်း အမှတ်တံဆိပ်ပါရောင်းချခွင့် ရှိသည့် ဘူးသွင်းဆီများ၌လည်း ဌာနမှသတ်မှတ်ထားသည့် ကုန်အညွှန်းအမှတ်အသားများ ပြည့်စုံမှန်ကန်စွာပါဝင်ရေးနှင့် အလေးချိန်ပြည့်ဝစွာပါဝင်ရေး အလေးထားဆောင်ရွက်ကြရန် အသိပညာပေးဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(မကွေး)