ပြည်မြို့ရှိဈေးကွက်များသို့ ရက်တစ်ရာသပြေပန်းများကို ယခုဇူလိုင်လတတိယပတ်တွင် နေပြည်တော်နှင့် ရန်ကုန်ဘက်မှ တစ်ခြင်းလျှင် အပင်ရေ (၂၅၀)ပင်ပါရှိသည့် ခြင်းပေါင်း (၁၀)ခြင်းခန့် အဝင်ရှိပြီး တစ်ပတ်လျှင် (၂)ကြိမ်ခန့် ဝင်ရောက်မှုရှိကြောင်း သိရပါသည်။ ရက်တစ်ရာသပြေပန်းများ ဝင်ရောက်မှုရှိနေသဖြင့် သပြေပန်းတုံးများဝင်ရောက်မှုနည်းနေတာတွေ့ရပါသည်။ ရက်တစ်ရာ သပြေပန်း ရောင်းချသောဈေးနှုန်းများမှာ အပင်ကြီး တစ်ပင်လျှင် (၁၅၀၀-၂၀၀၀)ကျပ်၊ အပင်လတ် တပင်လျှင် (၁၀၀၀-၁၂၀၀)ကျပ်၊ အပင်သေးတစ်ပင်လျှင် (၅၀၀)ကျပ်ဖြင့်ရောင်းချနေတာတွေ့ရပါသည်။ သပြေပန်းတုံးမှာ ဝင်ရောက်မှုနည်းသဖြင့် ဈေးများမြင့်တက်လာပြီး အတုံးကြီးတစ်တုံးကို (၅၀၀၀-၇၀၀၀)ကျပ်၊ အတုံးလတ်တစ်တုံးကို (၃၀၀၀-၄၀၀၀)ကျပ် နှင့် အတုံးလေးတစ်တုံးကို (၁၅၀၀-၂၀၀၀)ကျပ်ဖြင့် ရောင်းချလျှက်ရှိပါသည်။ ထို့သို့ သပြေပန်းတုံးမှာ ဈေးကြီးလာသဖြင့် လူအများက ဘုရားပန်းအိုးထိုးရာတွင် ဈေးသက်သာပြီး ကြာရှည်အထားခံသည့် ရက်တစ်ရာသပြေပန်းကိုသာ ဝယ်ယူကြသဖြင့် ဈေးကွက်တွင် ရက်တစ်ရာသပြေပန်းများ အစားထိုးဝင်ရောက်လာခဲ့ပါသည်။
DOCA(ပဲခူး)