စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဦးစီးအရာရှိ ဒေါ်မွန်မွန်စိုး ၊ ဦးစီးမှူး ဦးဇော်ထွန်ဦးနှင့် ဝန်ထမ်း များ အဖွဲ့သည် စားသုံးသူ အခွင့်အရေးနှင့်စားသုံးသူအကျိုးစီးပွားကို ကာကွယ်ရန်အတွက် ရည်ရွယ်၍ ဩဂုတ်လ(၁၀) ရက်၊ နံနက်(၉:၀၀)နာရီအချိန်တွင် ပခုက္ကူမြို့၊ အမှတ်(၅)အခြေခံပညာ အထက်တန်းကျောင်း၌ စားသုံးသူကာကွယ်ရေး အသိပညာပေးဟောပြောပွဲ ကျင်းပပြုလုပ်ခဲ့ရာ ဆရာ/ဆရာမ (၁၀)ဦး၊ ကျောင်းသား/သူ (၁၇၂) ဦး၊ စုစုပေါင်း(၁၈၂)ဦး တက်ရောက်ခဲ့ပါသည်။
အဆိုပါအသိပညာပေးဟောပြောပွဲတွင် ကျောင်းအုပ်ဆရာမကြီးမှ ကြိုဆိုနှုတ်ခွန်းဆက် စကားပြောကြားခဲ့ပြီး ဦးစီးအရာရှိ ဒေါ်မွန်မွန်စိုးက အဖွင့်အမှာစကားပြောကြားရာတွင် ဌာနဖြစ်ပေါ် လာပုံ သမိုင်းကြောင်းနှင့် ဌာန၏ မျှော်မှန်းချက်၊ ရည်မှန်းချက်များ ဦးစီးဌာန၏လုပ်ငန်း ဆောင်ရွက် ချက်များ ရှင်းလင်းခြင်းနှင့် ဟောပြောပွဲ ကျင်းပပြုလုပ်ခြင်း၏ ရည်ရွယ်ချက်မှာ စားသုံးသူများ အနေဖြင့် စားသုံးသူ အခွင့်အရေးများနှင့် လိုက်နာရမည့်တာဝန်များကို သိရှိနားလည်ပြီး နစ်နာဆုံးရှုံးမှု များ ဖြစ်ပေါ်လာပါက တိုင်ကြားဆောင်ရွက်နိုင်ကြောင်း၊ ကုန်စည်များဝယ်ယူသုံးစွဲရာတွင်လည်း လုံခြုံ စိတ်ချရမှု ရှိစေရေးအတွက် ကုန်အညွှန်းအမှတ်အသား ဖော်ပြချက်များမှာလည်းအရေးပါကြောင်း Power point ဖြင့် ရှင်းလင်းဆွေးနွေးခဲ့ကြောင်းသိရပါသည်။
ဒု-ဦးစီးမှူး ဒေါ်မျိုးသန္တာဝင်းမှ စားသုံးသူ များတွင် ရရှိနိုင်သည့် အခွင့်အရေးများနှင့် လိုက်နာရ မည့်တာဝန်များလည်းရှိကြောင်း၊ အခွင့်အရေး များသိရှိပြီး ရယူနိုင်မှသာလျှင် ဘေးအန္တရာယ်ကင်းရှင်း စွာသုံးစွဲခွင့်၊ နစ်နာမှုများအတွက် တိုင်ကြား နိုင်ခွင့် ၊ ပြန်လည်ကုစားနိုင်ခွင့်များရှိပြီး နောင်အနာဂတ် မှာ ပတ်ဝန်းကျင်ကောင်းတွင် နေထိုင်နိုင် မည်ဖြစ်ကြောင်းနှင့် လိုက်နာရမည့် တာဝန်များကိုလည်း အကျယ်တဝင့် ရှင်းလင်းဆွေးနွေးခဲ့ကြောင်းသိရပါသည်။
ဦးစီးမှူး ဦးဇော်ထွန်းဦးမှ စားသုံးသူကာကွယ်ရေးဥပဒေ(၂၀၁၉)၊ အခန်း(၁၈)ပါ ကုန်အညွှန်း အမှတ်အသားနှင့် စပ်လျဉ်းသည့် အကြောင်းအရာများအား စားသုံးသူများအတွက် ကုန်စည်များကို ဝယ်ယူသုံးစွဲရာတွင် သတိပြုရမည့်ကုန်အမှတ်တံဆိပ်၊ ကုန်ပစ္စည်းအမျိုးအမည်၊ အရေအတွက် အသားတင်ပမာဏ၊ ထားသိုသိမ်းဆည်းပုံအညွှန်း၊ သုံးစွဲသည့်နည်းလမ်းများ၊ ထုတ်လုပ်သည့် ရက်စွဲ၊ သက်တမ်းကုန်ဆုံးသည့်ရက်စွဲ၊ တင်သွင်းသူ၏အမည်နှင့်လိပ်စာ၊ ထုတ်လုပ်သည့်လုပ်ငန်း အမည် နှင့် လိပ်စာ၊ ထုတ်လုပ်သည့်နေရာ၊ ပြည်ပမှ ကုန်စည်များ တင်သွင်းပြီး ပြန်လည်ထုတ်ပိုးသည့် နေရာ၊ ပါဝင်သောကုန်ကြမ်းပစ္စည်းအမျိုးအမည်၊ ပမာဏ၊ ပါဝင်မှုအချိုးအစား၊ ကျန်းမာရေးဆိုင်ရာ ဘေးထွက်ဆိုးကျိုး(သို့) ဓာတ်မတည့်ကြောင်းဖော်ပြချက်၊ ကြိုတင်သတိပေးချက်၊ သက်ဆိုင်ရာ အစိုးရဌာနများက ဖော်ပြရန်သတ်မှတ်ထားသော အချက်အလက်များအား ရှင်းလင်းဆွေးနွေးခြင်း၊ ကုန်အညွှန်းအမှတ်အသားများပြည့်စုံမှသာ ထုတ်ကုန်များ လုံခြုံစိတ်ချရမည် ဖြစ်ကြောင်းနှင့် အစား အသောက်များကို ရွေးချယ်ဝယ်ယူရာတွင် မျက်စိ၊ နှာခေါင်း၊ လျှာနှင့် မရွေးချယ်ဘဲ ဦးနှောက်ဖြင့် ရွေးချယ်တက်ဖို့လိုကြောင်းစသည့် အသေးစိတ်ရှင်းလင်း ဆွေးနွေးခဲ့ကြောင်းသိရပါသည်။
ဒု-ဦးစီးမှူး ဒေါ်မြင့်မြင့်သန်းမှ ဆွေးနွေးရာတွင် စားသုံးသူများအား အခွင့်အရေးများသိရှိပြီး နစ်နာဆုံးရှုံးမှုများရှိလျှင် တိုင်ကြားနိုင်ကြောင်း၊ ပြည်နယ်/တိုင်းများနှင့် ခရိုင်ရုံးများတွင် စားသုံးသူ နစ်နာမှုများအတွက် “စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ” (CICC) ဖွင့်လှစ်ထားကြောင်း၊ DOCA Myanmar မိုဘိုင်း Application Facebook စာမျက်နှာနှင့် Consumer Call Center နံပတ်ဖြစ်သည့်(1535)သို့ဆက်သွယ်ခေါ်ယူ၍ တိုင်ကြားနိုင်ပါကြောင်း အကျယ် အဝင့်ရှင့်လင်း ဆွေးနွေးခဲ့ကြောင်းသိရပါသည်။
ကျောင်းသား/သူများအား ဟောပြောပွဲနှင့် ပတ်သက်၍ မှတ်သားနိုင်မှု ရှိ/မရှိ သိရှိနိုင်ရန်အတွက် မှတ်သားရမည့်အချက်များအား ပြန်လည်မေးမြန်းခြင်းနှင့် ဆုချီးမြှင့်ခြင်းများ ပြုလုပ်ခဲ့ပြီး စားသုံးသူကာကွယ်ရေး ဥပဒေစာအုပ်နှင့် လက်ကမ်းစာစောင်များအား ဖြန့်ဝေပေးခဲ့ကြောင်းသိရှိရပါသည်။
DOCA(မကွေး)