၂၄.၇.၂၀၂၅ ရက်နေ့ နေ့လည် (၁း၀၀) နာရီအချိန်တွင် သထုံခရိုင်စားသုံးသူရေးရာဦးစီး ဌာန၊ သထုံခရိုင်ဦးစီးမှူးရုံးမှ ခရိုင်ဦးစီးမှူး ဦးထွန်းအောင်ဖြူ၊ ဦးစီးအရာရှိ ဦးအောင်ကျော်မင်းနှင့် ဝန်ထမ်းများသည် သထုံမြို့နယ်၊ မြေနီကုန်းကျေးရွာ၊ စိုက်ပျိုးရေးနှင့်မွေးမြူရေးသိပ္ပံကျောင်း၌ စားသုံးသူကာကွယ်ရေး အသိပညာပေးဟောပြောဆွေးနွေးပွဲအား ကျင်းပပြုလုပ်ခဲ့ပါသည်။
ပထမဦးစွာ ဒုကျောင်းအုပ်ဆရာမကြီး ဒေါ်သီတာထူးလွင်က အဖွင့်အမှာစကားပြောကြား ပြီး ခရိုင်ဦးစီးမှူး ဦးထွန်းအောင်ဖြူမှ စားသုံးသူကာကွယ်ရေး အသိပညာပေး ဥပဒေအကြောင်း သိကောင်းစရာများ ပြောကြားခဲ့ပါသည်။ ဆက်လက်၍ ဦးစီးအရာရှိ ဦးအောင်ကျော်မင်းမှ စားသုံးသူ၏ အခွင့်အရေး (၈) ချက်နှင့်တာဝန် (၄) ရပ်များအကြောင်း စားသုံးသူကာကွယ်ရေး ဥပဒေအခန်း (၁၈) ပါကုန်အညွှန်းအမှတ်အသားများအကြောင်း အွန်လိုင်းမှ ဈေးဝယ်ယူရာတွင် ဂရုပြုလိုက်နာရမည့်အချက်များအား ကျယ်ကျယ်ပြန့်ပြန့် အသိပညာပေးဆွေးနွေးခဲ့ပါသည်။
ထိုဆွေးနွေးပွဲသို့ ဒု-ကျောင်းအုပ်ဆရာမကြီး ဒေါ်သီတာထူးလွင်နှင့် ဆရာ/ဆရာမ (၂၀) ဦး၊ ကျောင်းသား/ ကျောင်းသူ (၁၃၂) ဦးတက်ရောက်ခဲ့ပြီး ခရိုင်ဦးစီးမှူး ဦးထွန်းအောင်ဖြူမှ ဒု-ကျောင်းအုပ်ဆရာမကြီးအား စားသုံးသူကာကွယ်ရေးအသိပညာပေး ဥပဒေစာအုပ်များ၊ လက်ကမ်းစာစောင်များ ပေးအပ်ခဲ့ကြောင်း သိရှိရပါသည်။
DOCA (မွန်)