မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၌ ခဝဲသီးကို မြို့ပတ်ဝန်းကျင်ရှိ ညောင်ပင်သာ၊ ပန်းတော်ပြင်၊ မယ်ဇလီတော၊ ဥယျာဉ်၊ ရွာတော စသည့်ကျေးရွာများ၌ အိမ်ခြံဝန်း များအတွင်း တစ်နိုင်တစ်ပိုင်စိုက်ပျိုးကြသလို ယာမြေ၊ ကိုင်းမြေများတွင် အခြားသီးနှံများနှင့်အတူ ရော၍လည်း စိုက်ပျိုးကြကြောင်း သိရသည်။
ဇေယျာသီရိဈေး၌ ခဝဲသီး သီးနှံသည် ၂၀၂၅ခုနှစ်၊ ဇွန်လ(စတုတ္ထပတ်)မှ စတင်၍ ဝင်ရောက် အရောင်းအဝယ်ဖြစ်ခဲ့ကြောင်း၊ ဇူလိုင်လ(တတိယပတ်)တွင် ခဝဲသီး(၁)တောင့်လျှင် (အတောင့် အတို/ အရှည်)ပေါ်မူတည်၍ ကျပ်(၃၀၀-၄၀၀)ဖြင့် အရောင်းအဝယ်ဖြစ်လျက်ရှိပြီး ယခင်စပေါ်အချိန် ဇွန်လ(စတုတ္ထပတ်)တွင် (၁)တောင့်လျှင် ကျပ်(၅၀၀-၇၀၀)ဖြင့် အရောင်းအဝယ်ဖြစ်ခဲ့ရာ ဈေးနှုန်း နှိုင်းယှဉ်ပါက ယခုတစ်ပတ်တွင် ကျပ်(၂၀၀-၃၀၀)ဈေးကျဆင်း၍ အရောင်းအဝယ်ဖြစ်လျက်ရှိ ကြောင်း သိရသည်။ မိုးရာသီကာလ၏ ရာသီစာသီးနှံဖြစ်သည့်ခဝဲသီးသည် ယခုအချိန်တွင် ဒေသ တွင်းကျေးရွာများရှိ ခဝဲသီးစိုက်ခင်းများလှိုင်လှိုင်ထွက်ရှိနေသည့်အတွက် ဈေးနှုန်းမှာကျဆင်းရခြင်း ဖြစ်ကြောင်း သိရှိရသည်။
DOCA(မကွေး)