၂၀၂၅ ခုနှစ်၊ဇူလိုင်လ (၁၇) ရက်နေ့၊ နံနက်(၀၉:၃၀) နာရီအချိန်တွင် စားသုံးသူရေးရာဦးစီး ဌာန၊ မြို့နယ်တာဝန်ခံရုံးမှ စစ်ဆေးရေးမှူး ဦးမျိုးအောင်(ဦးစီးအရာရှိ)သည် မြို့နယ်စည်ပင်သာယာ ရေးဌာနနှင့်ပူးပေါင်း၍ တာချီလိတ်မြို့၊ ဝမ်ကောင်းဈေးအတွင်းရှိ အခြေခံစားသောက်ကုန်အရောင်း ဆိုင်များအား ဈေးနှုန်းများမြှင့်တင်ရောင်းချခြင်း ရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးခြင်းလုပ်ငန်းဆောင်ရွက်ရာတွင် တာချီလိတ်မြို့၊ ဝမ်ကောင်းဈေး အတွင်းရှိ အခြေခံစားသောက်ကုန်အရောင်းဆိုင်များမှ ကုန်ပစ္စည်းများမှာ ယခင်အပတ်နှင့်ဈေးနှုန်း နှိုင်းယှဉ်ပါက ငရုတ်သီးခြောက်(ရှည်)၊ ငရုတ်သီးခြောက်(ပွ)နှင့်အာလူးတို့ ဈေးနှုန်းအနည်းငယ် ကျဆင်းခဲ့ပါသည်။ ယင်းသို့ ငရုတ်သီးခြောက်(ရှည်)၊ ငရုတ်သီးခြောက်(ပွ)ဈေးနှုန်းကျဆင်းရခြင်းမှာ ရာသီပေါ်ထွက်ချိန်ဖြစ်သောကြောင့်လည်းကောင်း၊ အာလူးဈေးနှုန်းကျဆင်းရခြင်းမှာ ပြည်မှအဝင် များပြီး ဝယ်လိုအားနည်းသောကြောင့်ဖြစ်ပါသည်။ ကြက်သွန်နီဈေးနှုန်းအနည်းငယ် မြင့်တက် ခဲ့ပါသည်။ ယင်းသို့ဈေးနှုန်းမြင့်တက်ရခြင်းမှာ ပြည်မမှအဝင်နည်သောကြောင့်ဖြစ်ပါသည်။ ကျန် အခြေခံစားသောက်ကုန်ဈေးနှုန်းများမှာ တည်ငြိမ်လျက်ရှိပါသည်။
ထို့နောက် စစ်ဆေးရေးမှူးနှင့်တာဝန်ရှိသူများသည် အခြေခံစားသောက်ကုန်များ ဈေးနှုန်း မြှင့်တင်ရောင်းချခြင်းမပြုကြရန်၊ သင့်တင့်မျှတသောဈေးနှုန်းများဖြင့်သာ ရောင်းချကြရန်နှင့် စားသုံး သူကာကွယ်ရေးဥပဒေအခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကိုလိုက်နာဆောင်ရွက် ရန် အသိပညာပေးဆွေးနွေးခြင်းများ ဆောင်ရွက်ခဲ့ပါသည်။
DOCA (ရှမ်း)