မကွေးမြို့နယ် စက်သုံးဆီကြီးကြပ်စစ်ဆေးရေးအဖွဲ့များဖြစ်သော မြို့နယ်အထွေထွေအုပ်ချုပ်ရေး ဦးစီးဌာနမှ ဥက္ကဌဦးသန်းထွန်း၊ အဖွဲ့ဝင်(၁) ဗိုလ်မှူးရဲအောင်၊ ရေနံထွက်ပစ္စည်းကြီးကြပ် စစ်ဆေးရေးဦးစီးဌာန ဦးအောင်မျိုးထက်(ဦးစီးအရာရှိ)၊ မြို့နယ်ရဲတပ်ဖွဲ့မှူး ရဲမှူးသန်းဆောင်၊ မြို့နယ်မီးသတ်ဦးစီးဌာန ဦးဖြူနှင့် စားသုံးသူရေးရာဦးစီးဌာန မကွေးမြို့နယ်တာဝန်ခံ ဦးမျိုးဝင်းတို့သည် (၁၄.၈.၂၀၂၂)ရက်နေ့ နေ့လယ် (၁၃:၃၀)မှ (၁၅:၃၀)နာရီထိ မကွေးမြို့ပေါ်ရှိ စက်သုံးဆီဆိုင်များအား ရှောင်တခင်ကွင်းဆင်း စစ်ဆေးခဲ့ပါသည်။
စစ်ဆေးခဲ့သည့် စက်သုံးဆီဆိုင်များမှ DENKO (1/2), REGENCY (နတ်မောက်လမ်းနှင့် ဒဟက်ကန်) အောင်ရတနာ(၁)၊ LUCKY-7 ,ဆယ်စုသစ်နှင့် မင်းထက်ကြွယ်ဆီဆိုင်တို့ ဖြစ်ကြပြီး စက်သုံးဆီများ ပြတ်လတ်မှုမရှိကြောင်းနှင့် PPRD(ရေနံပစ္စည်းကြီးကြပ်စစ်ဆေးရေးဦးစီးဌာန)မှ နေ့စဉ်ထုတ်ပြန်သော ရည်ညွှန်းစျေးများအတိုင်း ရောင်းချလျှက်ရှိကြောင်း၊ ယနေ့သတ်မှတ်ရည်ညွှန်းစျေးများမှာ 92 တစ်လီတာ (၂၃၆၅)ကျပ်၊ 95 တစ်လီတာ (၂၄၃၅)ကျပ်၊ ရိုးရိုးဒီဇယ်တစ်လီတာ(၂၇၀၀)ကျပ်နှင့် ပရီမီယံဒီဇယ်တစ်လီတာ (၂၇၇၅)ကျပ်ဖြစ်ကြောင်း စိစစ်တွေ့ရှိရပါသည်။
ထိုသို့ကွင်းဆင်းစစ်ဆေးရာတွင် မြို့နယ်စက်သုံးဆီကြီးကြပ်စစ်ဆေးရေးအဖွဲ့မှ စက်သုံးဆီဆိုင်များအား စက်သုံးဆီသိုလှောင်ကန်များ၌ သတ်မှတ်ထားသော လမ်းညွှန်ချက်များအတိုင်း ဆောင်ရွက်ထားရှိမှု ရှိ/မရှိ စက်သုံးဆီသိုလှောင်ကန်များတွင် စက်သုံးဆီသိုလှောင်ထားမှု အခြေအနေ၊ စက်သုံးဆီ ရောင်းဝယ်ရာတွင် အချင်အတွယ်၊ အရည်အသွေး၊ စျေးနှုန်းများ မှန်ကန်မှုရှိစေရေး၊ စက်သုံးဆီများအား သိုလှောင်ကန်များတွင် ထားရှိပြီး စျေးနှုန်းကစားမှုမရှိစေရေးနှင့် ပြည်သူတို့၏ လိုအပ်ချက်အတိုင်း စနစ်တကျရောင်းဝယ်ပေးရေးအသိပေး ရှင်းလင်းပြောကြားခဲ့ပါသည်။
DOCA(မကွေး)