ဆိပ်ဖြူမြို့ ကြက်သွန်နီ အရောင်းအဝယ်ဖြစ်လျက်ရှိသော ကုန်စည်ဒိုင်သို့ ဩဂုတ်လ (ဒုတိယ)ပတ်အတွင်း ကြက်သွန်နီပင်စိုက်အသစ်များ ဆိပ်ဖြူမြို့နယ်ဒေသတွင်း နေရာအနှံ့အပြားမှ နေ့စဉ် ဝင်ရောက်လျက်ရှိပါသည်။ တစ်ရက်လျှင်ပျမ်းမျှ ကြက်သွန်နီ ကုန်ချိန်ပိဿာ (၂)သောင်းခန့် (၁)ပတ်အတွင်း စုစုပေါင်းပိဿာ (၁)သိန်းခွဲခန့် ကုန်စည်ဒိုင်သို့ ဝင်ရောက်လျက်ရှိပြီး မြို့ပေါ်ရှိ ကြက်သွန်ကုန်သည် သိုလှောင်ရုံများတွင် ကြက်သွန်နီပိဿာပျမ်းမျှ (၁)ပတ်အတွင်း ကုန်ချိန် (၄)သိန်းခန့် ဝင်ရောက် အရောင်းအဝယ်ဖြစ်ကြောင်း၊ ဩဂုတ်လ(၈)ရက်မှ(၁၄)ရက်ထိ ကုန်စည်ဒိုင် နှင့်သိုလှောင်ရုံများ အရောင်းအဝယ်ဖြစ်မှု စုစုပေါင်းမှာ ကြက်သွန်နီပိဿာ(၅)သိန်းခွဲခန့်ရှိကြောင်း မြို့ပေါ်ရှိကုန်စည်ဒိုင် အသင်းဝင် ကုန်သည်ပွဲစား(၁)ဦးထံမှ သိရှိရသည်။
ဈေးနှုန်းဈေးကွက်အနေဖြင့် ဩဂုတ်(ဒုတိယ)ပတ်အတွင်း ကြက်သွန်နီ(၁)ပိဿာ ထိပ်စ အမြင့် ဆုံး ဈေးနှုန်းမှာ (၂၀၀၀)ကျပ် မှ (၁၈၂၅)ကျပ်ထိ ဈေးနှုန်းဖြစ်ခဲ့ပြီး အနိမ့်စအမြင့်ဆုံးဈေးနှုန်းမှာ (၁၅၀၀)ကျပ် မှ (၁၂၅၀)ကျပ်ထိဈေးနှုန်းများဖြင့် အရောင်းအဝယ်ဖြစ်ခဲ့ကြောင်း၊ သီးနှံအရည် အသွေးများ မတူညီခြင်းကြောင့် ဈေးနှုန်းများ ကွာခြားကြောင်း၊ ယခင်(၁)ပတ် ကြက်သွန်နီ အမြင့်ဆုံး ဈေးနှုန်းမှာ (၁၇၅၀)ကျပ် ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခု(၁)ပတ် အမြင့်ဆုံးဈေးမှာ (၂၀၀၀)ကျပ် ဈေးနှုန်းဖြင့် အရောင်းအဝယ်ဖြစ်၍ ယခင်(၁)ပတ်ထက် (၂၅၀)ကျပ်ခန့် ဈေးနှုန်းမြင့် သွားကြောင်း၊ အနိမ့်စအမြင့်ဆုံးဈေးနှုန်းမှာ ယခင်(၁)ပတ်က (၁၅၀၀)ကျပ်၊ ယခု(၁)ပတ် (၁၅၀၀) ကျပ် ဈေးနှုန်းဖြစ်၍ ဈေးနှုန်းအတက်အကျမရှိကြောင်း၊ ပြည်တွင်းသုံးစွဲမှုသာမက ပြည်ပပို့ကုန်အဖြစ် မြဝတီဝယ်လက်မှတစ်ဆင့် ထိုင်း၊ ဗီယက်နမ်၊ လာအိုနိုင်ငံများသို့ တင်ပို့မှုများကြောင်း၊ ယခု အချိန်တွင် နေ့စဉ်ဈေးနှုန်းများ မြင့်တက်လျက်ရှိကြောင်းနှင့် ကြက်သွန်နီများကို ရန်ကုန်ဘုရင့်နောင် ပွဲရုံနှင့် ပြည်ပပို့ကုန်အဖြစ် မြဝတီမြို့သို့ အများဆုံး တင်ပို့လျက်ရှိကြောင်း သိရှိရသည်။
ဆိပ်ဖြူမြို့တွင် ကြက်သွန်နီအသစ်(၁)ပိဿာလျှင် လက်လီဈေးနှုန်းအနေဖြင့် ထိပ်စ(ရှယ်) ကျပ်(၂၂၀၀/၂၁၀၀)၊ လတ်(ကြီး) ကျပ်(၁၉၀၀/၁၈၀၀)၊ လတ်(သေး) ကျပ်(၁၆၀၀/၁၅၀၀)၊ အသေးစ (၁၃၀၀)ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း၊ ကုန်စည်စီးဆင်းမှုအနေဖြင့် ဩဂုတ် လ (ဒုတိယ)ပတ်အတွင်း ဆိပ်ဖြူမြို့မှ ရန်ကုန်ဘုရင့်နောင်ပွဲရုံသို့(၁၅)စီး၊ ပြည်မြို့(၁၀)စီး၊ ဧရာဝတီ တိုင်းဒေသကြီး ပုသိမ်မြို့(၁၀)စီး၊ မော်လမြိုင်မြို့(၃)စီး၊ မြဝတီမြို့(၁၇)စီးတွဲကားများ စုစုပေါင်း (၅၅)စီးခန့် (၆/၁၂/၂၄)ဘီး မော်တော်ယာဉ်များဖြင့် ကြက်သွန်နီပျမ်းမျှပိဿာ(၅)သိန်းခွဲ၊ တန်ချိန်(၃) သောင်းခန့် ကုန်စည်စီးဆင်းခဲ့ကြောင်း သိရှိရပါသည်။
DOCA(မကွေး)