ရွှေဘိုမြို့ပေါ်ရှိဈေးများတွင် ရာသီစာသီးနှံများ၊ သစ်သီးဝလံများများရောင်းချသည့်အပြင် နွေ၊ မိုး၊ ဆောင်း ရာသီမရွေးရရှိသည့် ငှက်ပျောသီးများကို ရောင်းချလျက်ရှိပါသည်။ ငှက်ပျောသီးများမှာ ဒေသတွင်းမှ ထွက်ရှိသည့် အသီးများအပြင် ရွှေဘိုမြို့နယ် လက်လှုပ်ကျေးရွာနှင့် ဒီပဲယင်းမြို့များမှ လည်း သယ်ယူရောင်းချကြောင်း၊ ငှက်ပျောသီးများကို အလှူပွဲများ၊ မင်္ဂလာပွဲများတွင် လည်း ကောင်း၊ သာသနာပွဲ များ၊ ကန်တော့ပွဲများ နှင့် စားသုံးရန်အတွက် ဝယ်ယူကြကြောင်း၊ ငှက် ပျောသီး မျိုးများမှာ ခွန်စိမ်းမျိုး နှင့် ဖီးကြမ်းမျိုးဟူ၍ရှိပြီး အစိမ်းနှင့် အမှည့်ဟူ၍ ရောင်းချကြောင်း၊ အစိမ်း ဈေးနှုန်းမှာ အမှည့်ဈေးထက် အနည်းငယ်ဈေးပိုပေးရကြောင်း၊ ခွန်စိမ်းငှက်ပျော(၁)ဖီးလျှင် အရွယ် အစားပေါ်မူတည်၍ (၁၅၀ဝိ/-)ကျပ်၊ (၂၀၀ဝိ/-)ကျပ်နှင့် (၂၅၀ဝိ/-)ကျပ်ဖြင့် ရောင်းချကြကြောင်း၊ ရောင်းဖီးကြမ်းငှက်ပျော(၁)ဖီး လျှင် အရွယ်အစားပေါ်မူတည်၍ (၂၀ဝဝိ/-)ကျပ်မှ (၂၅၀ဝိ/-)ကျပ်ဖြင့် ရောင်းချကြကြောင်း ငှက်ပျောသီးရောင်းချသည့် လုပ်ငန်းရှင်ထံမှ သိရှိရပါသည်။
DOCA(စစ်ကိုင်း)