စွန့်ပစ်ပစ္စည်းများ စနစ်တကျခွဲခြား စွန့်ပစ်တတ်စေရေး လက်တွေ့သရုပ်ပြ ရှင်းလင်း တတ်စေရန် ရည်ရွယ်၍ ဇူလိုင်လ (၂၂)ရက်နေ့၊ နံနက် (၁၃:၀၀)နာရီအချိန်တွင် ရန်ကုန်တိုင်း ဒေသကြီး၊ တွံတေးခရိုင်၊ ကော့မှူးမြို့နယ် မြို့သစ်ရပ်ကွက် အခြေခံပညာအထက်တန်းကျောင်း တွင်ကျင်းပပြုလုပ်ခဲ့ကြောင်း သိရသည်။
အဆိုပါ အခမ်းအနားတွင် ကော့မှူးမြို့နယ် စည်ပင်သာယာရေးအဖွဲ့မှ အမှုဆောင်အရာရှိ ဦးတင်ထွန်းအောင်က စွန့်ပစ်ပစ္စည်းအမှိုက် အမျိုးအစားလေးမျိုးနှင့် ပတ်သတ်၍ အမှိုက်ခြောက်၊ အမှိုက်စို ဘေးအန္တရာယ်ရှိသော အမှိုက်၊ ပလက်စတစ်အမှိုက်များကို သတ်မှတ်ထားသော အမှိုက် ပုံများ၌ စနစ်တကျ ခွဲခြားစွန့်ပစ်တတ်စေရေး၊ သဘာဝပတ်ဝန်းကျင် ညစ်ညမ်းမှုကို ကာကွယ်ပြီး သန့်ရှင်းသာယာပြီး အန္တရာယ်ကင်းသည့် စွန့်ပစ်မှုများဖြစ်စေရေးအတွက် ကော့မှူးမြို့နယ် အတွင်းရှိ စာသင်ကျောင်းများ၊ ဌာနဆိုင်ရာရုံးများ၊ ဈေးများနှင့် ရပ်ကွက်ကျေးရွာအုပ်စုများရှိ ပြည် သူများ ပူးပေါင်းပါဝင်ပြီး အမှိုက်ခွဲခြား စွန့်ပစ်တတ်စေသည့် အလေ့အကျင့်ကောင်းများ ရရှိစေရန် ရည်ရွယ်၍ လက်တွေ့သရုပ်ပြ ရှင်းလင်းပြသခဲ့ကြောင်း သိရှိရပါသည်။
အခမ်းအနားသို့ ကော့မှူးမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာ ယာရေးအဖွဲ့ အမှုဆောင်အရာရှိနှင့်ဝန်ထမ်းများ၊ မြို့နယ်စားသုံးသူရေးရာဦးစီးဌာန၊ မြို့နယ်ကျန်း မာရေးဦးစီးဌာ၊ မြို့နယ်အမျိုးသမီးရေးရာအဖွဲ့ဥက္ကဌနှင့်အဖွဲ့ဝင်များ၊ ကျောင်းအကျိုးဆောင်များ တက်ရောက်ခဲ့ကြောင်း သိရှိရပါသည်။
DOCA(ရန်ကုန်)