မျှစ်ပေါင်း ပြုလုပ်မည်ဆိုပါက မျှစ်စိမ်းများကို အရင်းဖယ်၍ အခေါင်းထွင်းကာ အရင်ပြုတ်ပစ်ရပြီးနောက် ဆား၊ ဆန်မှုန့်၊ ကြက်သွန်နီ၊ ကြက်သွန်ဖြူ၊ ဂျင်း၊ ပုဇွန်ခြောက်နှင့် ငါးပိ၊ ငရုတ်ကြမ်းမှုန့်များများကို သင့်တင့်ရုံမျှထည့်ပြီး ပေါင်းကြရပါသည်။ မျှစ်ပေါင်းများ ရောင်းချရာတွင်လည်း မျှစ်ဖူးပေါင်းနှင့် မျှစ်စိတ်ပေါင်းဟူ၍ ( ၂ ) မျိုးခွဲခြားကာ ရောင်းချလျက် ရှိပါသည်။
မျှစ်ပေါင်းသည် ဇူလိုင်လမှ စတင်၍ အောက်တိုဘာလအထိ ရာသီစာ အစားအစာ တစ်မျိုးဖြစ်ပြီး၊ ဒေသထွက်အစားအစာအဖြစ် အမြတ်တနိုး ဝယ်ယူစားသောက်လျက်ရှိကြပြီး မျှစ်ဖူးပေါင်း ( ၁ ) ဖူးလျင် ( ၁၀၀၀ ) ကျပ်နှင့် မျှစ်စိတ်ပေါင်း ( ၁ ) ထုပ်လျင် ( ၁၀၀၀ ) ကျပ် ပေါက်ဈေးနှုန်းများဖြင့် ရောင်းချကာ မျှစ်ထွက်ပေါ်ချိန်ဖြစ်၍ ဒေသခံရောင်းချသူများ အနေဖြင့် ပုံမှန် ဝင်ငွေရရှိသော ရာသီစာ တစ်ခုဖြစ်ပါကြောင်း ဈေးကွက်အတွင်းမှ သိရှိရပါသည်။
DOCA(စစ်ကိုင်း)