မန္တလေးတိုင်းဒေသကြီး၊ စားသုံးသူရေးရာဦးစီးဌာန၊ မိတ္ထီလာခရိုင် ခရိုင်ဦးစီးမှူးရုံး၊ ခရိုင်ဦးစီးမှူး၏ လမ်းညွှန်မှုဖြင့် မိတ္ထီလာမြို့နယ် တာဝန်ခံနှင့် ဝန်ထမ်းများသည် (၁၆-၈-၂၀၂၂) ရက်နေ့ နံနက် (၁၀:၃၀) နာရီချိန်တွင်တရားဝင်ဖြန့်ဖြူးရောင်းချခွင့် မှတ်ပုံတင်ထားခြင်းမရှိဘဲ ကုန်အမှတ်တံဆိပ် ဆင်တူယိုးမှား တုပပြုလုပ်၍ တရားမဝင်ခြင်ဆေးခွေများ စျေးကွက်အတွင်း ဖြန့်ဖြူးရောင်းချခြင်း ရှိ/မရှိ မြို့ပေါ်ရှိ ကုန်စုံဆိုင်ကြီးများသို့ စျေးကွက်စောင့်ကြည့် စစ်ဆေးခဲ့ပါသည်။
ထိုသို့စစ်ဆေးရာတွင် လုပ်ငန်းရှင်များအား မြန်မာနိုင်ငံမှ ပိုးသတ်ဆေးလိုင်စင်ရယူပြီး အခွန်ပေးဆောင်လျက်ရှိသော “ကျင်းထုံ”ခြင်ဆေးခွေကို Shwe Kalay Co.,Ltd မှ တစ်ဦးတည်း ကိုယ်စားလှယ်၍ စျေးကွက်တွင်း ဖြန့်ဖြူးရောင်းချလျက်ရှိရာ ပိုးသတ်လိုင်စင်မရှိဘဲ ကုန်အမှတ်တံဆိပ် ဆင်တူယိုးမှားတုပပြုလုပ်၍ တရားမဝင်ခြင်ဆေးခွေ “ကျင်းဟုံ”အမည်ဖြင့် လည်းကောင်း၊”ရှင်းထုံ” အမည်ဖြင့်လည်းကောင်း တုပ၍ရောင်းချမှုမရှိစေရေး လိုက်နာဆောင်ရွက်မှုမရှိပါက စားသုံးသူ ကာကွယ်ရေးဥပဒေအရ အရေးယူဆောင်ရွက်မည်ဖြစ်ကြောင်း ရှင်းလင်းပြောကြားခဲ့ပြီး၊ အရောင်းဆိုင်များတွင် တရားဝင်စိစစ်ခွင့်ပြုထားသည့် ပိုးသတ်ဆေးဆိုင်ရာ သုံးစွဲထုတ်လုပ်ခွင့်၊ ပိုးသတ်ဆေးသုံးစွဲသည့် ကုန်ပစ္စည်း၏ ထုတ်ပိုးပစ္စည်းနှင့် ပတ်သက်သည့် စိစစ်ခွင့်ပြုချက်များ ရယူဆောင်ရွက်ထားခြင်းမရှိဘဲ တရားမဝင်နည်းလမ်းဖြင့် ထုတ်လုပ်ရောင်းချနေသော ခြင်ဆေးခွေများရောင်းချခြင်းမရှိကြောင်း တွေ့ရှိရပြီး ဆိုင်ရှင်များအား ကုန်ပစ္စည်းရောင်းချရာတွင် ကုန်အညွှန်းအမှတ်အသားများ ပြည့်စုံစွာ ပါရှိခြင်း၊ သက်ဆိုင်ရာဌာန၏ ထောက်ခံချက်များပါရှိမှသာရောင်းချရန် အသိပေးပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရသည်။
DOCA(မန္တလေး)