ကျွန်းလှမြို့နယ်၊ အင်းကောင်းကျေးရွာတွင် မိသားစုအပိုဝင်ငွေရရှိရန်အတွက် မိမိတို့ပိုင် မြေကွက်အလွတ်များတွင် တစ်ပိုင်တစ်နိုင် အနေဖြင့် နှစ်စဉ် ကောက်ရိုးမှိုပျိုးရောင်းသည့်လုပ်ငန်းကို လုပ်ကိုင်ကြပါသည်။ ကောက်ရိုးမှိုသည် ပျိုးမှို ဖြစ်သည့်အတွက် ရာသီမရွေး စိုက်ပျိုးရောင်းချ နိုင်သည့်အတွက် ရည်ရှည်တစ်ပိုင်တစ်နိုင် လုပ်ငန်းအဖြစ် လုပ်ကိုင်ရင်းဝင်ငွေရရှိနေကြပါသည်။ ကောက်ရိုးမှိုစိုက်ပျိုးရာတွင် ကောက်ရိုးပျိုးထုတ်များ၊ ဂျပ်စက္ကူများနှင့်နွားချေး၊ ကောက်ရိုးတို့ကို အသုံးပြုပြီး စိုက်ပျိုးလျက်ရှိကြောင်း သိရသည်။
၂၀၂၅ ခုနှစ် ၊ ဇူလိုင်လ စတုတ္ထပတ် ကျွန်းလှမြို့တွင် ရောင်းချလျက်ရှိသော ကောက်ရိုးမှို ဈေးနှုန်းအနေဖြင့် ကောက်ရိုးမှို တစ်ပိဿာလျှင်(၂၀၀၀၀)ကျပ်၊ ကောက်ရိုးမှို(၅၀)ကျပ်သားလျှင် (၁၀၀၀၀)ကျပ် နှင့် ကောက်ရိုးမှို(၁၀)ကျပ်သားလျှင်(၂၀၀၀)ကျပ် ဈေးနှုန်းတို့ဖြင့် ရောင်းချပြီး စားသောက်ဆိုင်များ ထမင်းဆိုင်များမှ ဝယ်ဘူသည့်အတွက် ဈေးကောင်းသော်လည်း အရောင်း အဝယ်ဖြစ်လျက်ရှိကြောင်း သိရသည်။
DOCA(စစ်ကိုင်း)