မြန်မာနိုင်ငံတွင် တောင်ပို့မှိုသည် တောင်တန်းသဘာဝတောများဖြစ်သော ရှမ်းပြည်နယ် (တောင်ပိုင်း) တောင်ကြီး၊ နမ့်စန်နယ်များ၊ ကယား၊ မုံရွာတောင်ဘက်တောင်တန်းဒေသများ၊ ဖာပွန် နှင့် သံလွင်ခရိုင်များဖြစ်ကြသော မြေအစိုဓာတ်ရှိပြီးအရိပ်ရသော နေရာများတွင် သဘာဝအတိုင်း ပေါက်ရောက်ကြပါသည်။
ပထမအကြိမ်ပေါက်ရောက်သောမေလ နှင့် ဇွန်လတို့တွင် မြေအစိုဓာတ် ရရှိမှုနည်းသဖြင့် တောင်ပို့မှိုဈေးကွက်ဝင်ရောက်မှုမှာလျော့နည်းခဲ့ပါသည်။မြေအစိုဓာတ်အကောင်းဆုံးရရှိသော ယခု အချိန် ဩဂုတ်လ နှင့် အောက်တိုဘာလအတွင်း တောင်ပို့မှိုများ ဒုတိယအကြိမ်ဈေးကွက်ဝင်ရောက်မှု များပြားလာပြီး တစ်ပိဿာလျှင် (၄၅၀၀၀-၅၀၀၀၀)ကျပ်ထိဈေးရရှိကာ ဈေးကွက်တွင် အရောင်း အဝယ်ဖြစ်နေကြောင်း သိရှိရပါသည်။တောင်ပို့မှိုကို အခြောက်ခံအမှုန့်လုပ်ပြီးထုပ်ပိုးပြီး ဆေးဖက်ဝင် ပစ္စည်းအဖြစ် ပြည်ပနိုင်ငံများသို့ တင်ပို့ကြသဖြင့် ဝယ်လိုအားမြင့်တက်၍ ဈေးကောင်းရရှိနေကြောင်း ကို ဈေးကွက်အတွင်းမှ လေ့လာသိရှိရပါသည်။
DOCA (ရှမ်း)