စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးတွင် သလဲသီးနှင့် ရှောက်ပန်းသီးများကို ရောင်းချလျက်ရှိပါသည်။ သလဲသီးနှင့် ရှောက်ပန်းသီးများကို နေအိမ်ခြံ စည်းရိုးများတွင် စိုက်ပျိုးပြီး မိမိတို့အိမ်တွင် စားသုံး၍ပိုလျှံသည့် အသီးများကို ကန့်ဘလူမြို့မ ဈေးသို့ လာရောက်ရောင်းချကြောင်း သိရသည်။
သလဲသီးနှင့် ရှောက်ပန်းသီးများသည် အရည်ရွှမ်းပြီး အရသာရှိသောကြောင့် သရေစာဖြစ် အများဆုံးစားသုံးကြကြောင်း၊ ၂၀၂၅ခုနှစ်၊ ဇူလိုင်လ နောက်ဆုံးအပတ်အတွင်း သလဲသီးအသေး (၁)လုံးလျှင်(၅၀၀)ကျပ်၊ အကြီး(၁)လုံးလျှင်(၁၀၀၀)ကျပ်နှင့် ရှောက်ပန်းသီး(၁)လုံးလျှင် (၁၅၀၀) ကျပ်ဖြင့် အရောင်းအဝယ်ဖြစ်လျက်ရှိကြောင်း၊ လူကြီးလူငယ်မရွေး ကြိုက်နှစ်သက်သောကြောင့် ရောင်းအားကောင်းကြောင်း ကုန်စိမ်းရောင်းချသူထံမှ သတင်းရရှိပါသည်။
DOCA(စစ်ကိုင်း)