ဇူလိုင်လကုန်ပိုင်းတွင် သုံးခွမြို့နယ်၌ အခြေခံစားကုန်များဖြစ်သော အသား/ငါးဈေးနှုန်း များမှာ ဗမာကြက် တစ်ပိဿာလျှင် (၂၈၀၀၀-၃၀၀၀၀)ကျပ်၊ အသားတိုး CP ကြက် တစ်ပိဿာ လျှင် (၁၇၀၀၀)ကျပ်၊ ဝက်သား တစ်ပိဿာလျှင် (၂၈၀၀၀-၃၀၀၀၀)ကျပ်၊ အမဲသားတစ်ပိဿာ လျှင် (၂၃၀၀၀-၂၅၀၀၀)ကျပ်၊ ဆိတ်သားတစ်ပိဿာလျှင် (၃၀၀၀၀-၃၅၀၀၀)ကျပ်ဖြင့် ဈေးနှုန်း အသီးသီးဖြစ်ပေါ်လျက်ရှိပြီး အသားဈေးနှုန်းများမှာ ယခင်အပတ်ဈေးနှုန်းအတိုင်း ပြောင်းလဲမှု မရှိသေကြောင်း သိရသည်။
အလားတူ ငါးဈေးနှုန်းများမှာ ငါးကြင်းဖြူ တစ်ပိဿာလျှင် အရွယ်အစားပေါ်မူတည်၍ (၁၈၀၀၀-၂၀၀၀၀)ကျပ်၊ ငါးမြစ်ချင်း တစ်ပိဿာလျှင် (၁၄၀၀၀-၁၅၀၀၀)ကျပ်၊ ငါးတန် တစ်ပိဿာလျှင် (၁၂၀၀၀)ကျပ်နှင့် ပင်လယ်ငါး တစ်ပိဿာလျှင် ငါးအရွယ်စုံအလိုက် (၁၃၀၀၀မှ ၁၈၀၀၀)ကျပ်တို့ဖြင့် သုံးခွမြို့နယ် စည်ပင်သာယာမြို့မဈေးအတွင်း အရောင်းအဝယ်ဖြစ်လျှက် ရှိကြောင်း သိရသည်။
ဈေးကွက်အတွင်း ရောင်းချနေသော အသား/ငါး ဈေးနှုန်းများ အနေဖြင့် ပစ္စည်းရရှိမှု အနည်း/အများပေါ်မူတည်၍ ဈေးနှုန်းပြောင်းလဲမှုမရှိကြောင်း အသားကုန်ကြမ်းများမှာ ဒေသ အတွင်းမှ ရရှိပြီး ငါးများကိုမူ ရန်ကုန်ရွှေပိတောက်ငါးဈေးမှ နေ့စဉ်ဝယ်ယူ၍ ရောင်းချခြင်း ဖြစ်ကြောင်း သိရှိရပါသည်။
DOCA(ရန်ကုန်)