ပြည်ထောင်စုနယ်မြေ၊ နေပြည်တော်အတွင်း နှမ်းရိတ်သိမ်းနေမှုများ တွေ့ရှိနေရဆဲဖြစ်ပြီး၊ မြေပဲခူးဆွပ်လာမှုများကိုလည်း မြို့နယ်(၈)မြို့နယ်လုံးတွင် တွေ့ရှိလာရပါသည်။ နှမ်းဈေးနှုန်း တစ်တင်းလျှင် နှမ်း(နီ) (၉၅၀၀၀)ကျပ်၊ နှမ်း(နက်) (၂၃၀၀၀၀)ကျပ်မှ (၂၅၀၀၀၀)ကျပ်ရှိနေပြီး၊ မြေပဲတစ်ပိဿာဈေးနှုန်းများတွင် မြေပဲတောင့်(အစို)(၁၅၀၀)ကျပ် မြေပဲတောင့်(အခြောက်) (၄၀၀၀)ကျပ်၊ ဈေးနှုန်းရှိနေပါသည်။ နှမ်း(နီ) ဒေသတွင်းဆီကြိတ်ခွဲမှုများတွင် အသုံးပြုနေမှု တွေ့ရှိရပြီး၊ နှမ်း(နက်) မန္တလေးဈေးကွက်သို့တင်ပို့ပါသည်။ ဆီကြိတ်ခွဲထုတ်လုပ်မှု ပိုမိုခဲ့ပြီး၊ လက်ကျန်ဆီများအား ဈေးနှုန်းလျော့ကျမှုရှိစေရန်အတွက် ကြိတ်ခွဲမှုပိုမိုခဲ့ရသည်ဟု သိရှိရပါသည်။ နဝလီ ကြိတ်ခွဲမှုများတွင်လည်း လျော့ကျမှုမရှိပါ။ ဒေသတွင်း ကြိတ်ခွဲထုတ်လုပ်မှုများသည် ဒေသတွင်း ဈေးကွက် များသို့သာ ရောက်ရှိနေမှုကို တွေ့ရပါသည်။ မြေပဲဆီ (၁၈၀၀၀)ကျပ်၊ နှမ်းဆီ (၁၆၄၀၀) ကျပ်၊ နေပြာ (၁၈၀၀၀)ကျပ်တို့ဖြင့် ဈေးနှုန်း ဖြစ်ပေါ်နေမှုကို တွေ့ရပါသည်။ ဆီကြိတ်ဖတ်တင်ပို့မှု များအား မန္တလေး၊ ပျော်ဘွယ်နှင့် ရန်ကုန်သို့ တင်ပို့မှုရှိခဲ့သည်ကို တွေ့ရပါသည်။ မြေပဲဖတ် ဈေးနှုန်းတွင် (၄၄၀၀)ကျပ်ဖြင့် တည်ငြိမ်မှုရှိခဲ့ပြီး၊ နှမ်းဖတ်ဈေးနှုန်းတွင် (၂၀၀)ကျပ် မြင့်တက်မှု ဖြင့် (၂၇၀၀)ကျပ် ရှိနေကြောင်း သိရှိရပါသည်။
DOCA(ပြည်ထောင်စုနယ်မြေ)