ပန်းတိမ်ငိုပန်းသည် မိုးရာသီကာလတွင် ပွင့်လန်းသည့် ပန်းတစ်မျိုးဖြစ်ပြီး ဘုရားပန်း အဖြစ်သာမက အခမ်းအနားများတွင်လည်း တန်ဖိုးထား အလှဆင်၍၊ အရောင်အဆင်းမှာ အဖြူရောင် ၊ခရမ်းရောင်၊ပန်းရောင် စသည့်အရောင်များရှိပြီး ပန်းစိုက်ပျိုးသူများအတွက်လည်း တွက်ခြေကိုက်သည့် ပန်းတစ်မျိုးဖြစ်ကြောင်း သိရသည်။
ဇူလိုင်လနောက်ဆုံးပတ်မှစတင်၍ ပြင်ဦးလွင်မြို့ အနီးရှိ ကျေးရွာများမှ ခူးဆွတ် ရောင်းချသော ပန်းတိမ်ငိုပန်းများ ရွှေဘိုမြို့ ဈေးကွက်အတွင်းသို့ လှိုင်လှိုင်ဝင်ရောက်လာကာ ယခု ဩဂုတ်လ ပထမပတ်တွင် ပန်းတိမ်ငိုပန်း အဖြူရောင်နှင့် ပန်းရောင် (၁၀)ခက်ပါ တစ်စည်းလျှင် (၂၃၀၀)ကျပ်၊ခရမ်းရောင် (၁၀)ခက်ပါ တစ်စည်းလျှင် (၂၈၀၀)ကျပ်နှုန်းဖြင့် ရွှေဘိုမြို့ပေါ်ရှိ ပန်းရောင်းချသောလက္ကားဒိုင်များသို့ ဖောက်သည်ပေးရောင်းချလျက်ရှိပြီး ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်း ရရှိသည်။
DOCA(စစ်ကိုင်း)