အိုးမုန်ညှင်းပင်ကို ဟင်းသီးဟင်းရွက်အဖြစ် လူသိများကြပြီး မြန်မာပြည်တွင် ဒေသမရွေး စိုက်ပျိုးနိုင်သည်။အေးသောဒေသကိုပို၍ နှစ်သက်သည်။အိုးမုန်ညှင်းရွက်ကို ကြော်၊ လှော်၊ ချက်၊ ပြုတ်ရာတွင် အခြားသော အသားငါး၊ အသီးအရွက်တို့နှင့်ရော၍လည်း စားသုံးနိုင်သည်။
အိုးမုန်ညှင်းရွက်သည် မြေမရွေးသော်လည်း မြေဆီသြဇာ ပြည့်စုံမှုရှိရန် အထူးအရေးကြီး သည်။စိုက်ချိန်တွင် မြေအစိုဓါတ်လုံလောက်စွာရရှိနေရန် အရေးကြီးသည်။စိုက်ပြီး(၂၅-၃၀) ရက် ကြာသော် အိုးမုန်ညှင်းရွက်များကို စားသုံးနိုင်ပြီးဖြစ်သည်။
စစ်ကိုင်းတိုင်းဒေသကြီး၊ မုံရွာမြို့၊ မကျည်းပင်ဈေးအတွင်းတွင် ရောင်းချနေသော ကုန်စိမ်း သည်များထံမှ အိုးမုန်ညှင်းစျေးနှုန်း (၃၀၀-၅၀၀)ကျပ် ရှိကြောင်း သိရှိရသည်။
DOCA(စစ်ကိုင်း)