ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၈) ရက်နေ့၊ နံနက် (၁၀:၃၀) နာရီ အချိန်တွင် (၁) ရပ်ကွက်၊ ဗိုလ်ဗထူးလမ်းရှိ “မိုး” သုံးထောင့်မုန့် လုပ်ငန်းသို့ ထုတ်ကုန်လုံခြုံစိတ်ချရမှုရှိစေရေးအတွက် ကွင်းဆင်းစိစစ်ခဲ့ကြပါသည်။
“မိုး” သုံးထောင့်မုန့် လုပ်ငန်း မှ ထုတ်လုပ်မှုအနေဖြင့် တစ်နေ့လျှင် သုံးထောင့်မုန့် ဘူး(၂၅၀) ခန့် ထုတ်လုပ်လျက်ရှိပါသည်။ တစ်ဘူးလျှင် (၅) ခုပါဝင်ပြီး ဈေးနှုန်းအနေဖြင့် (၂၇၀၀) ကျပ်ဖြင့် ဖြန့်ဖြူးရောင်းချပေးလျက်ရှိပါသည်။ ပါဝင်ပစ္စည်းများမှာ ဂျုံ၊သကြား၊ ကြက်ဥ၊ ဆီ၊ ရေသန့် တို့ဖြစ်ကြ ပါသည်။ လုပ်သားဦးရေ (၄) ဦးခန့်ရှိပြီး လုပ်ခနှုန်းထားအနေဖြင့် တစ်လလျှင် (၂) သိန်းဖြင့် စားစရိတ်ငြိမ်းပေးချေရပါသည်။ဈေးကွက်အနေဖြင့် ဖျာပုံ၊ မော်ကျွန်း၊ စက်စု နှင့် အနီးတဝိုက်ရှိ ကျေးရွာများသို့ ဖြန့်ဖြူးရောင်းချလျက်ရှိပါသည်။
ထို့နောက် မြို့နယ်တာဝန်ခံမှ ထုတ်လုပ်သော ကုန်စည်နှင့်ပက်သက်၍ စားသုံးသူများ ဘေးအန္တရာယ်ကင်းရှင်းစေရေးနှင့်ထုတ်ကုန်လုံခြုံစိတ်ချရမှုရှိစေရေးအတွက် ကွင်းဆင်းစိစစ်ခဲ့ကြောင်း သတင်းရရှိပါသည်။
(Doca ဧရာဝတီ)