ပြည်ဈေးကွက်တွင် မြေပဲဆန်ဈေးမှာ ယခုဩဂုတ်လ စတုတ္ထပတ်တွင် ဈေးငြိမ်နေသည်ကို တွေ့ရှိ ရပါသည်။ ပြည်-အောင်ကြားရှိကျေးရွာများမှ နေ့စဉ်အဝင်ရှိသလို ဝက်ထီးကန်နှင့် ရွှေတောင် ဘက်မှလည်း နေ့စဉ်အဝင်ရှိသဖြင့် တစ်နေ့လျှင် မြေပဲဆန်အိတ် ၁၀၀၀ခန့်ဝင်ရောက်မှုရှိပါသည်။ ဝင်ရောက်လာသောမြေပဲဆန်များမှ လုံးဆန်ကိုမြဝတီဝယ်လက်များက အဝယ်ရှိသလို ဆီဆန်ကို ဆီစက်သမားများက အဝယ်ရှိသဖြင့် တစ်နေ့လျှင်အိတ် (၁၀၀၀) ခန့် ဝင်သလောက် အရောင်း အဝယ်ဖြစ်လျှက်ရှိပါသည်။ ဝင်ရောက်မှုရှိပြီး အရောင်းအဝယ်ဖြစ်သော်လည်း မြေပဲဆန်ဈေးမှာ ယခင်ဩဂုတ်လ ဒုတိယပတ်အတိုင်း ငြိမ်နေသည်ကို တွေ့ရှိရပါသည်။ မြေပဲဆန်စျေးများမှာ ဆီဆန် တစ်ပိဿာလျှင် ၅၈၀၀ကျပ် နှင့် လုံးဆန်တစ်ပိဿာလျှင် ၆၂၀၀ကျပ်ဖြင့် အရောင်းအဝယ် ဖြစ်လျှက်ရှိပါသည်။ မြေပဲဆီဈေးမှာ တစ်ပိဿာလျှင် ၁၃၀၀၀ကျပ်ဖြင့် ပြည်ဈေးကွက်တွင် အရောင်း အဝယ်ဖြစ်လျှက်ရှိနေကြောင်း သိရှိရပါသည်။
DOCA(ပဲခူး)