ပြည်ဈေးကွက်သို့ ယခု ဩဂုတ်လ အတွင်းတွင် ဩဇာသီးများစတင်ဝင်ရောက်လာပြီး အရောင်းအဝယ်ဖြစ်လျှက်ရှိပါသည်။ ဩဇာသီးများကို ပန်းတောင်းမြို့နယ်ဘက်ရှိ ကျေးရွာများဖြစ်သော ဗြူးကုန်းရွာ၊ ရွှေဘုံသာရွာ၊ ညောင်ပင်သာရွာ၊ ရွာသစ်ရွာနှင့် သစ်စိမ့်ပင်ကျေးရွာများမှ ဝင်ရောက်မှုရှိသလို ပြည်မြို့နယ်အတွင်းရှိ မှော်ဇာနှင့် တောင်လုံးညိုကျေးရွာတို့မှ လာရောက် ရောင်းချသည်ကို တွေ့ရှိရပါသည်။ ဩဇာသီးဈေးများမှာ ပေါ်ခါစဖြစ်သဖြင့် အကြီးတစ်လုံးလျှင် ၅၀၀-၈၀၀ကျပ်ခန့်ရှိပြီး၊ အသေးတစ်လုံးလျှင် ၃၀၀ကျပ်ဖြင့် ရောင်းချလျှက်ရှိပါသည်။ စားသုံးသူများအနေဖြင့် ဩဇာသီးကို ကြိုက်နှစ်သက်ကြသဖြင့် ပေါ်ခါစတွင် ဈေးကောင်းပေး၍ ဝယ်ယူကြသည့်အတွက် အရောင်းအဝယ်ဖြစ်လျှက်ရှိပါသည်။
DOCA(ပဲခူး)