ပြည်မြို့မြို့မစည်ပင်သာယာဈေးကြီးနှင့် အခြားဈေးများတွင် ပီနံသီးအစစ်များကို ဈေးကောင်းပေး၍ စားသုံးသူများမှ ဝယ်ယူစားသုံးကြပါသည်။ ပီနံသီးအစစ်များကို ပြည်မြို့ရှိ တစ်ပိုင်တစ်နိုင် စိုက်ပျိုးသူများနှင့် မှော်ဇာကျေးရွာ၊ ဇီးအုပ်၊ နတ်တလင်း၊ဖိုးခေါင်ရွာဘက်မှ ပီနံသီးမှာ ဈေးကောင်းသည့်အတွက် စားသုံးသူများမှ ဈေးချိုသည့်အခြားငရုတ်သီးများကို ဝယ်ယူ စားသောက်ကြပြီး ပီနံသီးအစစ်ကို ကြိုက်နှစ်သစ်သူများမှ အခြားငရုတ်သီးများထက် ဈေးကောင်းပေး၍ ဝယ်ယူစားသုံးကြရပါသည်။ ဈေးကောင်းပေး၍ ဝယ်ယူစားသုံးရသောကြောင့် စားသုံးသူနည်းပါးသလို ပီနံသီးအစစ်ကို စိုက်ပျိုးသူ များလည်း နည်းပါးကြပါသည်။ ကျေးရွာများတွင် ဝယ်လက်တွေရှိသောလည်း သိပ်မစိုက်ဖြစ်ရာမှ ပီနံသီးကို တစ်ခြား ငရုတ်သီးမျိုးတွေထက် အသီးက အရွယ်အစားသေးငယ်ပြီး ခူးရတာလက်ဝင်ပြီး အလုပ်သမား စရိတ်လည်း ပိုကုန်ပါသည်။ ပီနံသီးအစစ်မှာ အထွက်နှုန်းကျတော့လည်း တစ်ခြား ငရုတ်သီး တွေနဲ့ယှဉ်ရင် ကွာခြားမှုရှိပါသည်။ ပီနံသီးအစစ်မှာ အရွယ်အစားသေးငယ်ပြီး အလေးချိန်ပေါ့သောကြောင့် တခြားငရုတ်သီးများမှာ ပိဿာချိန် သုံးပိသာရသည်ဆိုလျှင် ပီနံသီးသည် တစ်ပိဿာခွဲလောက် အလေးချိန်ရရှိပါသည်။ ပြည်ဒေသဘက်တွင် စိုက်ပျိုးသူနည်းပါသည်။ ယခုဩဂုတ်လ ဒုတိယပတ်တွင် ပီနံသီး အစစ်တစ်ပိဿာလျှင် ကျပ် (၂၀၀၀၀) ရှိပြီး ပိဿာလိုက် ဝယ်ယူသူနည်းပါးပြီး လက်လီဝယ်ယူ စားသုံးသူများရှိသောကြောင့် ကုန်စိမ်းသည်များအနေဖြင့် ဈေးကောင်းရနေတဲ့ ပီနံသီးအစစ်ကို တစ်ခြားငရုတ်သီးတွေနှင့် နှိုင်းယှဉ်ရောင်းချရာ၌ ဈေးကြီးသည့်အတွက် ရောင်းဝယ်ရာတွင် ပီနံသီးအစစ် မှာဈေးကောင်းရနေကြောင်း သိရှိရပါသည်။
DOCA(ပဲခူး)