စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး၊ ဦးလှစိုးပါ(၃)ဦး၊ ဆီလုပ်ငန်းရှင်များအသင်းမှ ကိုယ်စားလှယ်(၂)ဦး၊ ဈေးတာဝန်ခံတို့ပူးပေါင်းပါဝင်လျက် (၂၀.၈.၂၀၂၅) ရက်နေ့ နံနက်(၁၀:၀၀)နာရီအချိန်တွင် အင်းစိန်မြို့နယ်၊ ဘိုကုန်းဈေးရှိ စားအုန်းဆီလက်လီအရောင်းဆိုင်သို့ ကွင်းဆင်းစစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် ဘိုကုန်းဈေးရှိ ဒေါ်တင်ကြည်စားအုန်းဆီလက်လီ အရောင်းဆိုင်သို့ရောက်ရှိခဲ့ရာ မိမိသည်သံသာကုမ္ပဏီမှ ရရှိသောခွဲတမ်းအား သတ်မှတ်ဈေးနှုန်း အပေါ်(၂%) အမြတ်တင်၍ ရပ်ကွက်နေစားသုံးသူပြည်သူများလက်ဝယ်သို့ အမှန်တကယ်ရောက်ရှိရန် ရောင်းချပေးပါကြောင်း၊ အလေးချိန်လည်း မှန်ကန်စွာချိန်တွယ်ပေးပါကြောင်း၊ လက်ကျန်လည်း မထားရှိပါကြောင်းနှင့် မိမိတို့ဌာနမှလည်း အခြားမသမာသောနည်းလမ်းများ သုံး၍ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများရှိပါက အရေးယူဆောင်ရွက်သွားမည်ကို ဆွေးနွေးပြောကြားခဲ့ကြောင်း သိရှိရပါသည်။
DOCA (ရန်ကုန်)