(၂၀.၈.၂၀၂၅)ရက်နေ့ နေ့လယ်(၁၂:၀၀)နာရီအချိန်တွင် လှိုင်သာယာ(အနောက်ပိုင်း) မြို့နယ်၊ ပင်လုံဈေးတွင် စားအုန်းဆီလက်လီရောင်းချနေမှုအား စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ(၄)ဦး၊ ဆီလုပ်ငန်းရှင်များအသင်းမှ ကိုယ်စားလှယ်(၂)ဦးတို့ ပါဝင်လျက် ကွင်းဆင်းစစ်ဆေးခဲ့ပါသည်။
ထိုသို့စစ်ဆေးခဲ့ရာတွင် ဈေးတာဝန်ခံပါ ပူးပေါင်းပါဝင်လျက် ရုံ(၇)၊ အမှတ်(၅)၊ ပင်လုံဈေးရှိ ဒေါ်ကျင်စိန်ဆိုင်သို့ ကွင်းဆင်းစစ်ဆေးခဲ့ရာ သတ်မှတ်ရည်ညွှန်းဈေးအတိုင်း ရောင်းချပေးပြီး စာအုပ်စနစ်ဖြင့် အိမ်ထောင်စုတစ်စုလျှင် (၁)ပတ်ကို (၅၀)ကျပ်သားနှုန်းဖြင့် တစ်လလျှင်(၂)ပိဿာ(၅၀)သား ရရှိကြပြီး နေ့စဉ်အရောင်းစာရင်းကိုလည်း ရေးသွင်းထားကြောင်း စစ်ဆေးတွေ့ရှိရပြီး စည်းကမ်းတကျဂရုစိုက်ဆောင်ရွက်စေလိုကြောင်း၊ သတ်မှတ်ချက်များအား လိုက်နာမှုမရှိပါက စီမံခန့်ခွဲရေး နည်းလမ်းအရ အရေးယူဆောင်ရွက်သွားမည်ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။
DOCA (ရန်ကုန်)