မန္တလေးတိုင်းဒေသကြီး၊ကျောက်ဆည်ခရိုင်တွင် မိုးစပါးများ (၁၄၃၇၉၆)ဧက စိုက်ပျိုးပြီးစီး လျှက်ရှိကြောင်း သက်ဆိုင်ရာစာရင်းများအရ သိရှိရပါသည်။ ယခုနှစ်မိုးစပါးစိုက်ပျိုးမှုတွင် ပက်ကြဲ စနစ်ဖြင့် စိုက်ပျိုးမှုမှာ အများဆုံးစိုက်ပျိုးလျှက်ရှိပါသည် ။ ဇူလိုင်လ တတိယပတ်မှစတင်၍ မိုးစပါးများ စတင်စိုက်ပျိုးလျှက်ရှိရာ မိုးစပါးတစ်ဧကလျှင် စိုက်ပျိုးစရိတ် (၄၀၀၀ဝိ/-)ကျပ် မှ (၅၀၀၀ဝိ/-)ကျပ်ဝန်းကျင်ခန့်ရှိပြီး ၊ ပျိုးနှုတ်ခမှာ ပျိုးတစ်ရာလျှင်(၁၅၀ဝိ/-)ကျပ် ပေးရကြောင်း၊ ထွန်ယက်ခတစ်ဧကလျှင်(၅၀၀၀ဝိ/-)ကျပ်ပေးရကြောင်း၊ ပက်ကြဲစနစ်တွင် တစ်ဧက စပါးတစ်တင်း လျှင်လူတစ်ဦးနှုန်းသာကုန်ကြောင်း ၊ မျိုးစေ့ချကိရိယာဖြင့်စိုက်ပျိုးကြကြောင်း ၊ ပက်ကြဲစနစ်သည် ကုန်ကျစရိတ်သက်သာသောကြောင့် တောင်သူအများစုမှာ ပက်ကြဲစနစ်ကို အများဆုံးစိုက်ပျိုး လာကြပါသည်။မိုးစပါးနှင့်နွေစပါးနှိုင်းယှဉ်လျှင် နွေစပါးသည်အထွက်နှုန်းပိုမိုကြောင်း ၊ အထွက်နှုန်း ပိုရခြင်းမှာ မိုးတိမ်ကင်းစင်သည့် နွေရာသီဖြစ်သည့်အတွက် စပါးပင်အတွက် နေရောင်ခြည်စွမ်းအင်ဖြင့် အပင်အတွက်အစာချက်လုပ်ကာ ကြီးထွားဖွံဖြိုးပွင့်သီးရသောကြောင့် စပါးအထွက်နှုန်းပိုခြင်းဖြစ်ကြောင်း၊ တောင်သူများမှာ တစ်သီးစားမှနှစ်သီးစား၊ သုံးသီးစားစိုက်ပျိုးရေးစနစ်ကို ကျင့်သုံးနေကြကြောင်း ၊ နွေစပါးပြီးလျှင် မိုးစပါးကိုလည်းဆက်လက်စိုက်ပျိုးကြပါသည်။
မျိုးစပါးဈေးမှာ ပဒေသာမျိုးတစ်တင်း (၁၆၀၀ဝိ/-)ကျပ်ဖြစ်ပြီး ပဒေသာစပါးမျိုး လေးလ သက်တမ်းမျိုး၊ ဧရာပဒေသာစပါးမျိုး လေးလသက်တမ်းနှင့် သုခပဒေသာမျိုး သုံးလသက်တမ်းဖြင့် သက်တိုမျိုးများကိုလည်းစိုက်ပျိုးကြပါသည်။ ယခုနှစ်တွင် မိုးများအဆက်မပြတ်ရွာသွန်းလျှက်ရှိခြင်းကြောင့် မိုးစပါးများမှာ ပိုမိုဖြစ်ထွန်းအောင်မြင်လျှက်ရှိကြောင်း ကွင်းဆင်းသည့်ကျေးရွာမှ တောင်သူတစ်ဦး၏ပြောကြားချက်အရသိရှိရပါသည်။
DOCA(မန္တလေး)