“ကျောက်ဆည်မြို့၌ စားသုံးဆီများ စျေးနှုန်းချိုသာစွာ ရောင်းချ”

       စားသုံးသူရေးရာဦးစီးဌာန ၊ ကျောက်ဆည်ခရိုင်ဦးစီးမှူးရုံးမှ ခရိုင်ဦးစီးမှူးဦးဆောင်သော ဝန်ထမ်းများသည် (၈-၉-၂၀၂၂)ရက်နေ့တွင် ကျောက်ဆည်မြို့၊အေးမြကြည်လင်စျေးနှင့်လေးမျက်နှာ ဘုရားဝန်းအတွင်းတို့တွင် နေလသုခဆီဆိုင်မှ စားသုံးသူပြည်သူများသို့ စားအုန်းဆီများဖြန့်ဖြူး ရောင်းချသည့်လုပ်ငန်းသို့ ကွင်းဆင်းစောင့်ကြည့်စစ်ဆေးခြင်းများဆောင်ရွက်ခဲ့ပါသည် ။ ထိုသို့ စစ်ဆေးရာတွင် ကျောက်ဆည်ခရိုင်၊ စားသုံးသူရေးရာဦးစီးဌာန၊ခရိုင်ဦးစီးမှူးမှ မိမိတို့ဝန်ကြီးဌာန သည်စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီကို ဖွဲ့စည်းကာ ပြည်ပမှတင်သွင်းလာသည့် စားအုန်းဆီများအား သတ်မှတ်အရည်အသွေး၊စံချိန်စံညွှန်းပြည့်မီရေး၊ စားသုံးသူပြည်သူများကျန်းမာရေးနှင့်ညီညွတ်သော စားသုံးဆီများသုံးစွဲနိုင်ရေး ၊ စားသုံးသူပြည်သူ များလက်ဝယ်သို့ မှန်ကန်မြန်ဆန်စွာရောက်ရှိရေး၊ပြည်သူများအဆင်ပြေချောမွေ့စွာဝယ်ယူနိုင်ရေး၊ စျေးနှုန်းတည်ငြိမ်စွာဝယ်ယူစားသုံးနိုင်ရေးအတွက် ကြီးကြပ်ထိန်းကျောင်းလျှက်ရှိကြောင်း၊ဝယ်ယူ ခွင့်ရရှိသည့်ကုန်သည်များအနေဖြင့် စားသုံးဆီများကို ရန်ကုန်အထိုင်စျေး၊ရည်ညွှန်းလက်ကားစျေး နှုန်းအပေါ် သယ်ယူပို့ဆောင်ခ ကုန်ကျစရိတ်များထက်ပေါင်း၍ ၂ရာခိုင်နှုန်းအမြတ်ထက်မပိုသော စျေးနှုန်းဖြင့်ရောင်းချရမည်ဖြစ်ပြီးစျေးကွက်အတွင်းဖြစ်သင့်ဖြစ်ထိုက်သည့်စျေးနှုန်းများဖြင့်ရောင်းချ စေရေး၊စျေးနှုန်းအဆမတန်မြှင့်တင်ရောင်းချခြင်းများမပြုလုပ်စေရေးအတွက်ကွင်းဆင်း၍စျေးကွက် စောင့်ကြည့်စစ်ဆေးခြင်းများဆောင်ရွက်ရခြင်းဖြစ်ကြောင်း ရှင်းလင်းပြောကြားခဲ့ပါသည် ။ ယခု စားသုံးဆီရောင်းချပေးရာတွင် စားအုန်းဆီ(၁)ပိဿာလျှင်(၅၂၀၀/-)ကျပ်နှုန်းဖြင့် လူတစ်ဦးလျှင် (၁)ပိဿာနှုန်းဖြင့်ရောင်းချပေးခဲ့ကြောင်း သိရှိရပါသည်။ထိုသို့လေးမျက်နှာဘုရားဝန်းအတွင်းရောင်း ချရာ၌ အလယ်ပိုင်းတိုင်းစစ်ဌာနချုပ် ၊ တပ်နယ်မှူးရုံး (ကျောက်ဆည်)မှလည်း စားသုံးသူပြည်သူ များအား ဆန် ၊ အာလူး ၊ ခရမ်းချဉ်သီး ၊ အသားဗူး ၊ ငါးဗူး ၊ ကြက်ဥနှင့်ဟင်းသီးဟင်းရွက်များ စသည့် အခြေခံစားသောက်ကုန်များအား ပြင်ပပေါက်စျေးထက် သက်သာသောစျေးနှုန်းဖြင့် စားသုံးသူ ပြည်သူများအား ပူးပေါင်းရောင်းချပေးခဲ့ကြောင်းသတင်းရရှိပါသည်။

DOCA(မန္တလေး)