မိတ္ထီလာမြို့၊ မြို့မဈေးကြီးရှိ ဖြိုးဝေကုန်စိမ်းတန်းတွင် နယ်ခုံမှ ဝင်ရောက်သောကုန်စိမ်းများအနက် ကျောက်ဖယုံသီးမှာလည်း အပါအဝင်ဖြစ်ပါသည်။ ကျောက်ဖယုံသီးမှာ မိတ္ထီလာဈေးကွက်အတွင်း ဝမ်းတွင်း၊ သာစည်တို့မှ ဝင်ရောက်ပြီး၊ မိတ္ထီလာမြို့မဈေးကြီးမှတဆင့် လက်လီဈေးများ၊ ကျေးရွာများမှ ဝယ်ယူသူများကို လက်လီ၊ လက်ကားပြန်လည်ရောင်းချကြပါသည်။ ကျောက်ဖယုံသီးမှာ နွေဦးကာလ ရှင်ပြုအလှူပြုလုပ်သည့်ကာလများတွင် ပိုမိုအရောင်းသွက်ပြီး၊ ယခုအချိန်မှာတော့ အရောင်းအဝယ် ပုံမှန်ရှိကြောင်း၊ ကျောက်ဖယုံသီးတစ်လုံးလျှင် အလုံးကြီး၊အသေးအပေါ်မူတည်ပြီး (၂၀၀၀-၃၀၀၀) ကျပ်ရှိကြောင်းနှင့် ကာလကြာရှည်စွာအထားခံကြောင်း ကုန်စိမ်းပွဲရုံများမှ သိရှိရပါသည်။
DOCA(မန္တလေး)