စစ်ကိုင်းတိုင်းဒေသကြီး၊ ကလေးမြို့၊ အင်တိုင်းကြီးကျေးရွာအတွင်း စိုက်ပျိုးထားရှိသည့် မာလကာခြံမှထွက်ရှိသော မာလကာသီးများသည် ကလေးမြို့ပေါ်ဒေသများတွင် ရောင်းအားလိုက်လာသည်ဟု သိရှိရပါသည်။
မာလကာသီးတစ်လုံးသည် ဗီတာမင်အေ ကြွယ်ဝစွာပါဝင်နေခြင်း၊ ပိုတက်ဆီယမ်နှင့် ဓါတ်တိုးဆန့်ကျင်ပစ္စည်းများကြောင့် သွေးဖိအားကို ကျစေသည့် ကျန်းမာရေးအကျိုးကျေးဇူးများ၊ သွေးလည်ပတ်စီးဆင်းမျုကိုကောင်းမွန်စေသည့် ဂုဏ်သတ္တိများပါဝင်ပြီး ဗီတာမင်၊ ပရိုတိန်းနှင့် အဟာရဓါတ်များ ပေါများစွာပါဝင်သည့်အတွက် လူကြိုက်များပြီး ရာသီစာသီးနှံဖြစ်သည့် မာလကာသီးသည် နှစ်စဉ်ရောင်းအားကောင်းလျက်ရှိပါသည်။ ရောင်းဈေးနှုန်းများအနေဖြင့် မာကလာသီး အကြီးတစ်လုံးလျင် ( ၂၀၀၀ ) ကျပ်၊ အလတ်တစ်လုံးလျင် ( ၁၅၀၀ ) ကျပ်နှင့် အသေးတစ်လုံးလျင် ( ၁၀၀၀ ) ကျပ် ပေါက်ဈေးနှုန်းများဖြင့် ရောင်းဝယ်ဖောက်ကားလျက်ရှိကြောင်း ဈေးကွက်အတွင်းမှ စုံစမ်းသိရှိရပါသည်။
DOCA(စစ်ကိုင်း)