ရွှေဘိုမြို့ပေါ်ရှိဈေးများတွင် ဘုရားပန်းမျိုးစုံရောင်းချလျက်ရှိရာ ရာသီအလိုက်ပေါ်သည့် ပန်းများအပြင် ဆယ်နှစ်ရာသီလုံးရရှိသည့် ဘုရားပန်းများအနက် အောင်သပြေပန်းသည်လည်း တစ်မျိုးအပါအဝင်ဖြစ်ပါသည်။ အောင်သပြေပန်းသည် ရွှေဘိုမြို့နယ်နှင့် အခြားရွာများမှ ထွက်ရှိသည့်အတွက် အခြားဒေသမှ သယ်ယူရောင်းချစရာမလိုကြောင်း၊ အောင်သပြေပန်းသည် အခြားပန်းများထက် တာရှည်ခံသည့်အတွက် အောင်သပြေပန်းကို လူကြိုက်များကြောင်း၊ အောင်သပြေပန်းတွင် အောင်သပြေ၊ ညိုချောသပြေ၊ တော်ဝင်သပြေ၊ ပတ္တမြားသပြေနှင့် အာဆီယံသပြေဟူ၍ အမျိုးအစားများစွာရှိပြီး ဈေးနှုန်းမှာလည်း မတူညီကြောင်း၊ ၂၀၂၅ခုနှစ်၊ ဩဂုတ်လ (တတိယ) ပတ်တွင် ဖြစ်ပေါ်နေသော အောင်သပြေပန်းဈေးနှုန်းမှာ အောင်သပြေ လက်တစ်ဆုပ်စာ(၁) စည်းလျှင် (၇၀ဝိ/-)ကျပ်၊ တော်ဝင်သပြေလက်တစ်ဆုပ်စာ (၁)စည်းလျှင် (၇၀ဝိ/-)ကျပ်မှ (၁၀၀ဝိ/-) ကျပ်၊ ပတ္တမြားသပြေလက်တစ်ဆုပ်စာ (၁)စည်းလျှင် (၇၀ဝိ/-)ကျပ်၊ အာဆီယံသပြေလက် တစ် ဆုပ်စာ(၁) စည်းလျှင် (၇၀ဝိ/-)ကျပ်မှ (၁၀၀ဝိ/-) ကျပ်ဖြင့် ရောင်းချလျက်ရှိပြီး ညိုချောသပြေ လက်တစ်ဆုပ်စာ(၁)စည်းလျှင် (၂၀၀ဝိ/-)ကျပ်မှ (၃၀၀ဝိ/-)ကျပ်ရောင်းချပြီး ညိုချောသပြေမှာ အခြားသပြေများထက် ဈေးပိုပေးရကြောင်း ပန်းရောင်းချသည့် ဈေးသည်ထံမှ သိရှိရပါသည်။
DOCA(စစ်ကိုင်း)